Университетімізде "Жүректен жүрекке!" атты қайырымдылық жәрмеңкесі өтті

"Жанашырлыққа жан риза" дегендей, бүгін университетімізде Жастар бөлімі, "Елбасы серіктестері" еріктілер ұйымының ұйымдастыруымен, "Жүректен жүрекке!" атты қайырымдылық жәрмеңкесі болып өтті.

Қайырымдылық жәрмеңкесі жастарды адами қарым-қатынас сезіміне тәрбиелеу, көмекке зәру жандарға мейірімділік пен жанашырлық таныту, оларды рухани тұрғыда қолдап-қуаттау мақсатында өткізілді. Жәрмеңкеде түрлі тіл үйіретін тәтті-тағамдар мен сусындар ұсынылды. Жәрмеңкеден түскен қаражат көмекке мұқтаж жандарға жұмсалатын болды.

Осындай шаралар арқылы әлеуметтік әділдік, теңдік, өзара сыйластық пен қамқорлық көрсетуді тек мемлекетіміз ғана емес, азаматтық ортаның, жастардың өздерінің жасауы – қоғамымыздың кемелденгендігін, жаңғырғандығын көрсетеді.