2018 жылдың 9-ақпанында "Педагогика және психология" кафедрасының меңгерушісі, педагогика ғылымдарының докторы, профессор Мұсабекова Гүлнар Тәжібайқызына Қазақстан Республикасының Білім және ғылым министрі Е.Сағадиев "Жоғары оқу орнының үздік оқытушысы – 2017" атағының иегері куәлігін салтанатты түрде тапсырды.

Гүлнар Тәжібайқызын мәртебелі атағымен шын жүректен құттықтаймыз! Денсаулық, табыс, бақ-береке тілейміз!

Ақпан айының 8-жұлдызында Ғылыми істер және халықаралық байланыстар жөніндегі проректоры г.ғ.к., доцент А.Д.Тажекова "Жас ғалымдар" кеңесінің кезектен тыс жиынын өткізді.

Университеттің ғылыми істер бойынша маманы, "Жас ғалымдар" кеңесінің төрағасы Н.А.Аманбаев профессор-оқытушылар мен студенттердің ғылыми-зерттеу жұмыстарының есебіне тоқталды.

Ақпан айының 3 жұлдызында Елбасымыз Н.Ә.Назарбаевтың "Төртінші өнеркәсіптік революция жағдайындағы дамудың жаңа мүмкіндіктері" атты Жолдауын жастар арасында насихаттау және пікіралмасу мақсатында ОҚМУ-дың "Жалынды жастар" пікірсайыс клубы ұйымдастырған аймақтық пікірсайыс турниріне университет студенті М.Бектеміс қатысып қайтты.

38 фракция қатысқан пікірсайыстың АПФ форматында өткен ойында төрағалық етсе, ЛД форматында өткен сайыста "Үздік спикер" номинациясымен марапатталды.

"Сырдария" университетінің белсенді студенттері шоғырланған "Елбасы серіктестері" ұйымының төрағасы М.Бектеміс және ұйым мүшелерінің бастамасымен аудандық Жас отан жастар қанатының төраға орынбасары Айқын Бағланмен кездесу өткізді. 2018 жылдың 1 ақпанындағы басқосуында студенттер Жас отанның мемлекеттік жастар саясатын жүзеге асырудағы мақсат, міндеттеріне қанық болып, Елбасының Жолдауына назар аударды.

Бүгін университет жастары мемлекет басшысының Жолдауын талқылау және оны насихаттау мақсатында семинар өткізді. "Гуманитарлық білім" факультетінің студенттік деканы және белсенді студенттері атсалысқан бұл шарада Жолдаудың он бағыты жастардың көзқарасымен бағамдалды.

Университеттің кәсіптік практика жетекшісі ғ.м., аға оқытушы Н.С.Файзиев, оқытушы С.Таубаев мемлекеттік саяси бағдарламаның маңызы туралы тұжырымдарын білдіріп, жастарды қолдауға және одағы басымдықтардың орындалуына ықпал етуге шақырды.

Бүгін "Сырдария" университеті Елбасының халыққа Жолдауының тоғызыншы бағытын негізге ала отырып, сыбайлас жемқорлыққа қарсы мәдениет қалыптастыру және азаматтардың құқықтық сауаттылығын арттыру мақсатында "Жемқорлықпен күрес және заңның үстемдігі – Жолдаудың басым бағыты" тақырыбында жиын өткізді.

Үстіміздегі жылдың 25-қаңтарында "Дене тәрбиесі және спорт" факультеті "Кәсіби спортшы" үйірмесінің жоспарына сәйкес "Спорт – денсаулық кепілі" атты семинар өткізді. Семинарға факультеттің профессор-оқытушылары мен студенттері, Ғылыми істер және халықаралық байланыстар жөніндегі проректоры, г.ғ.к., доцент А.Д. Тажекова, университеттің Ғылыми істер жөніндегі маманы Н.С.Аманбаев қатысты.

2018 жылдың 24-қаңтарында Мақтарал ауданы, Жастар ресурстық орталығының қызметкері Мұхтар Бейсенбаев университет жастарымен кездесті.

Семинар барысында жастардың бастамаларын қолдау мақсатымен оқырмандар клубын ашу мәселесі талқыланып, ашық дискуссия жүргізілді. Қазіргі ақпараттық технологиялардың қарқынды дамуы жастардың кітап оқуға деген құлшынысын, ойлау еңбегін тежеуде. Сондықтан кітап оқу мәселесінде аудан жастары, мектеп оқушылары, студенттермен пікір алмасуға келіп отырғанын айтты аудандық қызметкер.

Үстіміздегі жылдың 22-қаңтарында "Қазақстан студенттер сарайында" білім алушыларды 2017-2018 оқу жылындағы іс-тәжірибеге орнықтыру конференциясы болып өтті.

"Сырдария" университетінің 20 жылдық мерейтойына орай қаңтар айының 16-19 жұлдызында оқу орнының профессор-оқытушылары мен қызметкерлері арасында "Спорт бізді біріктіреді" атты спорттық жарыс болып өтті.

Тартысты бәсекеге 5 команда қатысты: "Гуманитарлық білім" факультетінен – "Құлагер", "Жаратылыстану және математика" факультетінен – "Сұңқар", "Өнер" факультетінен – "Өнер қырандары", университет бөлімдерінен құралған – "Сырдария Арланс" және әкімшілік шаруашылық бөлімінен – "Алау" тобы.