"Сырдария" университетінің 20 жылдық мерейтойына орай "Өнер" факультетінің бастамасымен "Сағындырған әндер-ай" атты ретро ән кеші болып өтті. Кештің жарқын көңіл күймен өтуіне факультет студенттері белсене атсалысты. Сағындырған әндер жылдардың арасына жол салып, кеше мен бүгінді тоғыстырып әр жүрекке еріксіз ән салдырды.

Үстіміздегі жылдың 22 - ақпанында "Гуманитарлық білім" факультеті "Отан және шетел тарихы" кафедрасының "Өркениет" ғылым

2017-2018 оқу жылында "Өркен" студенттік ғылыми – үйірмесінің жоспарына сәйкес "Балықтың анатомиялық және морфологиялық құрылысы" тақырыбында үйірме жұмысы жүргізілді.

Үйірме жұмысына "Биология" кафедрасының профессор-оқытушылары мен үйірме мүшелері, Ғылыми істер және халықаралық байланыстар жөніндегі проректоры, г.ғ.к., доцент А.Д. Тажекова, университеттің Ғылыми істер жөніндегі маманы Н.С.Аманбаев және өзге кафедралардан үйірме жетекшілері қатысты.

Ақпан айының 20-шы жұлдызында сағат 16:00-де "Химия және география" кафедрасына қарасты 5В011600 – "География" мамандығының "Оазис" үйірмесінің Биология ғимаратында № 8 дәріс залында "Мақтарал ауданының қазіргі экологиялық жағдайы" атты тақырыпта кезекті семинары болып өтті. Семинарды жүргізген "Оазис" үйірмесінің жетекшісі: ғ.м., оқытушы Б.Д. Исабеков және үйірме құрамындағы студенттер. Семинарға универсиетіміздің бірқатар оқытушылары да келіп қатысты.

Елбасы Жолдауындағы басымдықтардың жүзеге асырылуына өз үлестерін қосуды мақсат еткен "Сырдария" университетінің белсенді жастары түрлі іс-шараларды ұйымдастырып келеді. Жас отандықтардың бұл жолғы бас қосуының бағыты – латын әліпбиін қолдау акциясы.

"Елбасы серіктестері" ұйымының жетекшісі Бектеміс Мейірханның бастамасымен студенттер арасында "Латынды қолдаймыз" акциясы өткізілді. Бәсекеге қабілеттілікті талап ететін қоғамға бейімделіп келе жатқан жас буын акция барысында өз ұсыныстарын латын әліпбиімен өрнектеп, плакаттарға латын әліпбиінде есімдерін жазды.

"Жаратылыстану және математика" факультетінің "Химия және география" кафедрасында 19 ақпан күні "Химик-аналитик" үйірмесінің ашық есік күні болып өтті. Семинарға университеттің профессор-оқытушылары мен студенттері, ғылыми істер және халықаралық байланыстар жөніндегі проректоры, г.ғ.к., доцент А.Ж. Тажекова, университеттің ғылыми істер жөніндегі маманы Н.С. Аманбаев қатысты. "Химик-аналитик" үйірмесінің ақпан айындағы жоспары Әр түрлі табиғи бояулар түрлерін алу және сабын жасау технологиясын меңгеру.

"Сырдария" университетінің бір топ белсенді студенттері 2018 жылдың 16 ақпанында М.Әуезов атындағы Оңтүстік Қазақстан мемлекеттік университетіне барып қайтты. ОҚМУ-дың "Тұңғыш Президент" кітапханасының бастамасымен "Елбасы феномені" тақырыбындағы халықаралық конференцияда республиканың түрлі аймақтарындағы оқу орындары мен шет елдік ЖОО студенттері бас қосты.

2018 жылдың 13-ақпанында университеттің Тәрбие істері және әлеуметтік мәселелер жөніндегі проректоры, п.ғ.к., доцент Н.С.Тленчиева, Медициналық қызмет бөлімі аудандық дәрігерлермен кездесу өткізді. "Ерте жүктіліктің салдары", "Сүт безінің обыр ауруы және алдын алу" тақырыбындағы семинарда аудандық аурухананың онколог дәрігері Ә.Шералиев, қалалық емхананың акушер-гинекологы Ф.Зербаева, Салауатты өмір салтын қалыптастыру орталығының үйлестірушісі Е.К.Жантөреева, осы орталықтың дәрігері Д.Б. Бұхарбаева баяндама жасады.

9-ақпан күні қазақ поэзия әлемінде алтын әріптермен таңбаланатын ақиық ақын Мұқағали Мақатаевтың дүние есігін ашқан күнін атап өту дәстүрге айналған. Жыл сайын өткізілетін поэзиялық іс-шараның биылғы көрінісі айрықша сипатта болып өтті.

Университеттің "Гуманитарлық білім" факультеті, "Қазақ тілі мен әдебиеті" кафедрасы, "Кітапхана" бөлімі бірлесіп ұйымдастырған "Соғады жүрек" атты әдеби-сазды кешті жандандыра түскен – студент жастар.