Еліміздің Тәуелсіздігі күні мен университеттің 20 жылдығына орай желтоқсан айының 13-жұлдызында "Тәуелсіздік – тұғырым, мәңгілік ел – ұраным" тақырыбында студенттік конференция болып өтті.
Университеттің жалынды жастарынан құралған "Елбасы серіктестері" ұйымы ұйымдастырған басқосудың мақсаты – тұғыры нықталған тәуелсіздік күнінің мән-мағынасын студенттер арасында насихаттау. Белсенді жастар ұстанымдары үйлескен конференцияда Шәмші Гүлсім, Жұлдызхан Әйгерім, Тұрсынхан Әйгерім, Қадір Шолпан, Ғалымбек Гүлжайна баяндама жасады.

2017 жылдың 13-желтоқсанында Жастар комитеті кереғар діни ағымдардың алдын алу мақсатында арнайы мамандармен кездесу өткізді.

Аудандық "Нұғман" мешітінің найб имамы, ҚМДБ Жастар ісі секторының Мақтарал ауданы бойынша басшысы, Аудандық ішкі саясат бөлімі Жастар ресурстық орталығының инспекторы, дінтанушы теолог, АТК комиссия мүшесі, ағымдармен жұмыс жасайтын маман, Зекет қоры КҚ Мақтарал ауданы бойынша жетекшісі қатысқан кездесуде қазіргі діни экстремизнің салдары, қоғамға деген әсері, адами сананың улануы туралы мәселелер қозғалды.

2017 жылдың 14-қыркүйегінде "Болашақ" бағдарламасы арқылы шетелде білім алу, "Болашақ" халықаралық стипендиясын тағайындау, үміткерлерді іріктеу қағидаларымен таныстыру мақсатында студенттерге және ғылыми-педагогикалық кадрларға арналған брифинг өткізілді.

Ғылыми істер жөніндегі проректор Тажекова Ақмарал Жақсыбекқызы брифинг жоспарына орай "Болашақ" бағдарламасындағы өзгерістер туралы, яғни "Болашақ" бағдарламасының талаптары және оған құжат тапсырудың жолдары мен жаңа оқу жылындағы өзгерістерін түсіндіріп өтті.

"Сырдария" университетінің 20 жылдық мерейтойы қарсаңында түрлі дейгейдегі жоспарлы және жоспардан тыс көптеген мәдени, рухани, ғылыми іс-шаралар өткізілуде. Аталған бастамаларға өз үлесін қосу мақсатында "Педагогика" пәнінен "Педагогика және психология" кафедрасының аға оқытушысы, педагогика ғылымдарының магистрі Файзиев Нұржан Сапарханұлының ұйымдастыруымен 29-қараша күні "ХХІ ғасыр педагогының моделі" атты байқауы өтті.

Сыбайлас жемқорлықтың мемлекеттің бәсекеге қабілеттілігін едәуір төмендететіні, қоғамда демократиялық қайта құруларды жүзеге асыруды тежейтіні, елдің халықаралық беделіне көлеңке түсіретіні белгілі. Мемлекеттің дамуына зиян келтіретін індетке қарсы күресуді күшейту мақсаты алдымызда тұр. "Сырдария" университеті Республика көлемінде өтіп жатқан іс-щара жоспарына орай профессор-оқытушылар және студенттердің қатысуымен "Сыбайлас жемқорлықтың алдын алу бірыңғай сағаты" атты семинар өткізді.

Университеттің Тәрбие істері және әлеуметтік мәселелер жөніндегі проректораты мен медициналық қызметі студенттердің, профессор-оқытушылардың салауатты өмір салты мәселелеріне байланысты медицина өкілдерімен «Тұмаудың алдын алу» тақырыбында кездесу өткізді.

Аудандық салауатты өмір салтын қалыптастыру орталығының меңгерушісі Джантуреева Клара Еркінқызы мен аудандық нарколог дәрігер Нуралиева Салтанат тұмаудың алдын алу тақырыбында баяндама жасап, вирустық жұқпалы аурудың алдын алу туралы кеңестерімен бөлісті.

17-қараша – студенттер үшін айтулы күн. Жастар бұл мерекені асыға күтетіні шындық. «Сырдария» университетінің студенттері жыл сайын осы мерекеге орай концерттік бағдарлама ұйымдастыруды ұмыт қалдырған емес. «Студенттер күні» мерекелік концерті соның айғағы.