"Сырдария" университетiнiң Президентi Серiк Оңалбайұлы "Ońtústik" арнасының "Búgingi áńgime" бағдарламасында қонақта болды.

Толық нұсқасын http://shymkenttv.kz/kz/archive/programs/programs_ruh/angime_oko/1069532 осы сілтемеден қарай аласыздар.

Толық нұсқасын Youtube каналда қарай аласыздар.

"Сырдария" университетінің "Жаратылыстану" факультетінің деканы, Философия докторы (РҺD) Абдуразова Перизат Әділбекқызын 2019 жылғы 27 желтоқсандағы "Жоғары оқу орнының үздік оқытушысы" атағын беру жөніндегі Республикалық конкурстық комиссиясы отырысының қорытындысы бойынша "Жоғары оқу орнының үздік оқытушысы – 2019" атағының иегері болуымен құттықтаймыз! "Жоғары оқу орнының үздік оқытушысы" мәртебесі 48 жоғары оқу орнынан 200 оқытушыға берілді. Жалпы байқауға еліміздің 81 жоғары оқу орнынан 471 үміткер қатысқан болатын.

Желтоқсан айының 12 күні, университет қабырғасында Тәуелсіздігіміздің 28 жылдығына арналған "Елімнің бақытын тербеткен Тәуелсіздік" атты меркелік кеш өтті.

Тәуелсіздік мерекесі – өз тарихында тұңғыш рет заманауи мемлекет құрған Қазақстан халқының ауқымды тарихи жетістіктерінің жарқын көрінісі. Қазақстан үшін бұл жылдар ілгерілеу мен орнықты даму кезеңі болды. Осы аралықта ел экономикасы қарқынды дамып, тұрақты мемлекет ретінде қалыптасты.

"Сырдария" университеті "Ұлттық бизнес-рейтинг" атты халықаралық рейтингтік бағдарлама құрастырған Қазақстан Республикасы кәсіпорындарының 2018-2019 жылдар қорытындысы бойынша "жоғары білім" санатында жалпы мемлекеттік екі рейтингте "күміс рейтингіне" енді.

Қазақстан Республикасының салық төлеушілерін жалпы мемлекеттік саралаудың қорытындысы бойынша "Сырдария" университеті "Сала көшбасшысы – 2019" марапатының иегері атанды.

"Сырдария" университеті Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасы шеңберінде қысқа мерзімді кәсіптік оқыту курсын жүргізіп, аудан тұрғындарына қосымша біліктілік куәліктер тапсырды.

Әр адамның жадында ерекше естеліктермен жатталып қалған студенттік өмір ешқашан ұмытылмайды. Қызығы мен шыжығы мол сол бір төрт жыл талай әдемі де, әсерлі әңгіменің арқауы болып, көрігін қыздырғаны хақ. Әр адамның өмірінде айрықша орын алатын осы кезең – үйден жырақта жүріп, өмірді тануға, өзіңді танытуға арналған уақыт десек, артық айтқандық емес. Жыл сайын дәстүрлі түрде атап өтілетін айтулы мереке – Студенттер күнін бүгінгі жас буын асыға күтеді. Осығын орай биылғы жылдың мерекесі де өз ерекшелігімен орын алды.

Қараша айының 11 жұлдызында "Сырдария" университетінің Президенті Серік Оңалбайұлы жастар орталығының ұсынысымен университеттің белсенді жастарымен кездесті. Кездесу ашық, еркін форматта өтті. Белсенді студенттер өздерінің атқарып жүрген жұмыстарымен таныстырды, болашақ жоспарларымен бөлісіп, көкейлерінде жүрген ұсыныстарын айтты. Кездесуге қатысқан Серік Оңалбайұлы әрқайсысын мұқият тыңдап, сұрақтарына жауап беріп, ұсыныстарын жазып алды.

Қойылған сұрақтардың ішінде мысалы, жаңа мамандықтар ашу, оқу орнында қандай өзгерістер болу мүмкіндігі туралы болды.