«Han TV» телеарнасының «Бізде қонақта» арнайы телебағдарламасына Жұмабек Тәшенев университетінің әлеуметтік және тәрбие ісі жөніндегі проректоры Ғалымжан Битұрсын студия қонағы ретінде қатысып, университеттің бүгінгі тыныс-тіршілігі, стратегиялық мақсат-міндеті жөнінде кең көлемде сұхбат берді.

Академиялық ұтқырлық бағдарламасы Жұмабек Тәшенев атындағы университеттің стратегиялық даму бағыттарының бірі. Қазіргі таңда университет сыртқы (халықаралық) және ішкі (ұлттық) академиялық ұтқырлық бағдарламаларын сәтті жүзеге асыруда.

Жұмабек Тәшенев университетінің бастауыш білім және өнер факультетінде осы факультеттің доценті Бөрі Исаның шеберлік дәрісі форматындағы ашық сабағы болып өтті. Тағылымы мол, тәрбиелік мазмұны ерек дәрісте белгілі композитор, музыкатанушы Бөрі Иса өзінің хор мен оркестрге арнап жазған «Армысың ХХІ ғасыр» ораториясының «Желтоқсан» бөлімін студенттермен жеке-дара партия ретінде жұмыс жасады. Дәріс хор, домбырашылар ансамбілінің бірігіп орындаған шығармашылығымен қорытындыланды. 

Биыл Жұмабек Тәшенев университетінің құрылғанына 25 жыл толып отыр. Жоғары оқу орнының мерейлі белесіне орай бүгін педагогика және жаратылыстану ғылымдары факультеті «Математика және информатика» кафедрасының ұйымдастыруымен университетімізге еңбегі сіңген ардагер оқытушы, педагогика ғылымдарының кандидаты, доцент Тіллә Досыбекқызы Бердалиеваның 70 жылдық мерейтойына арналған «Педагог ғалым, ұлағатты ұстаз» ғылыми-педагогикалық семинары болып өтті.

Ұстаз әр адамның жүрегіне ерекше жылулық нұрын себетін аяулы тұлға. Адам баласының жүрегінде қадір тұтып, құрметтейтін екі ұғым болса, соның бірі Ұстаз. «Ұстаз» тұлғасы қазақ баласы үшін қашанда қасиетті, қадірлі болған. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады. Алғаш әріп танытып, өмірдің қыр сырын білуге, сан қилы құбылыстарын терең түсінуге мұрындық болып, жан дүниеңе нұрлы шуақ түсіріп, адамгершілікке баулыған мұғалімнің бейнесі көңіл төрінен орын алары анық.

Tashenev University педагогика және жаратылыстану факультетінде арнайы мәжіліс өтті. Жұмыс жиыны университеттің әлеуметтік және тәрбие ісі жөніндегі проректоры Ғалымжан Битұрсынның төрағалығымен өтіп, онда білім, тәрбие жұмыстарына қатысты бірқатар маңызды мәселелер қаралды.

6В01502 физика мұғалімін даярлау мамандығының 1 курс студенттері механика пәнінен зертханалық жұмыстарын істеу барысында.
Оқытушы “Математика және информатика” кафедрасының меңгерушісі PhD., доцент С.А.Пазылбек Университет студенттері Вильнюс университетімен жасалған келісім-шарт негізінде академиялық ұтқырлық аясында тәжірибе алмаса алады. Кафедраның ғалым оқытушылары PhD. С.А.Пазылбек (физика, наноматериалдар) пен PhD. Ә. Ә. Сәрсенбі (математика) шетелдік ғалымдармен бірге тығыз жұмыс жасауда.

Тараз қаласында Қазақстан студенттерінің Альянсы Республикалық студенттер қозғалысының оңтүстік өңірлік бірінші құрылтайы болып өтті. Құрылтай жұмысына Tashenev university студенттік жастар альянсының басшысы Аруза Аяпова мен спорт және дене шынықтыру факультетінің студенттік деканы Диана Жүрсіннің жетекшілігіндегі бір топ студенттер қатысты.

Университетіміздің ІТ құқық және экономика факультетінде арнайы мәжіліс өтіп, оған университеттің әлеуметтік және тәрбие ісі жөніндегі проректоры Ғалымжан Битұрсын қатысты.
Мәжілісте кафедра меңгерушілері бірінші курс студенттерін топтарға бөлу, белсенді студенттер ішінен топ басшыларын бекіту жұмыстары бойынша есеп берді. Білім алушыларға бекітілген аға тәлімгерлер оқу, білім беру процесі мен тәрбие жұмыстары барысындағы қолға алынған тәлімгерлік іс-шаралар жөнінде мағлұмат берді.