Tashenev University басшылық құрамы ҚР Президентінің жанындағы мемлекеттік басқару академиясының Шымкент қаласы бойынша филиалы «ISO 37001:2016 халықаралық стандарты. Сыбайлас жемқорлыққа қарсы менеджмент жүйесі және комплаенс» тақырыбы бойынша жүргізген 3 күндік семинарға қатысты. 

Университетімізде өтіп жатқан «Ашық есік» күні және Ғылыми апталық аясында Шымкент қаласындағы жалпы білім беретін оқу орындарының басшылары келді. Олар үшінші мегаполисте жұмысын жаңа оқу жылында бастаған жаңашыл оқу орнымыздың әлеуетімен, тыныс-тіршілігімен, оқу процесімен танысты. 
Tashenev University негізін қалаушы Оңалбай Аяшев мектеп басшыларымен жүздесіп, оқу орнының құрылу тарихы, білім беру бағдарламалары, оқытушы-профессорлар құрамы жөнінде кең мағлұмат берді. Өңірдегі өзге оқу орындарынан ерекшеліктеріне, студенттердің жай-күйіне тоқталды. 

Ғылым қызметкерлері күніне орай ұйымдастырылған «Жастар және ғылым -- 2023» тақырыбындағы республикалық ғылыми-практикалық конференцияның екінші күні де ауқымды іс-шаралармен жалғасын тапты. 
Салтанатты жиын барысында сөз алған оқу-әдістемелік жұмыс жөніндегі проректоры Фарида Тұрғынбайқызы университет ұжымын ғылым қызметкерлері күнімен құттықтап, барша қатысушыларға алғыс білдірді. Ерекше жобаларымен көзге түскен жас ғалымдар мен олардың жетекшілеріне, университтетің ғылыми бағытына үлес қосып жүрген оқытушы-профессорларға Алғыс хат тапсырды. 

Университетімізде ҚР Президентінің жанындағы мемлекеттік басқару академиясының Шымкент қаласы бойынша филиалы «ISO 37001:2016 халықаралық стандарты. Сыбайлас жемқорлыққа қарсы менеджмент жүйесі және комплаенс» тақырыбы бойынша семинар курсын бастады. Оған оқу ордамыздың басшылық құрамы, яғни ректор және барлық проректорлар, бөлім басшылары мен факультет декандары, кафедра меңгерушілері қатысуда. 

12 сәуір - ғылым қызметкерлерінің күні. Tashenev University осынау кәсіби мереке қарсаңында «Жастар және ғылым - 2023" атты жас ғалымдар мен студенттер арасындағы республикалық ғылыми-практикалық конференциясын бастады. 
Талантты, ғылымға қызығушылық танытатын студенттерді табуды және қолдауды мақсат еткен шараға өңіріміздегі және көрші аймақтардағы білімге құштар студенттермен қатар оқу ордамыздың ғылымға жақын білім алушылары да қатысуда.
Конференцияның ашылуында сөз алған университет ректоры Қ. Байболов қатысушыларды мерекемен құттықтап, жас ғалымдарға сәттілік тіледі. 

Университетімізде "Ашық есік" апталығы басталды. Енді бір апта бойы Шымкент қаласындағы мектеп бітіруші түлектер бекітілген кестеге сай оқу орнында болып, тыныс-тіршілігімен, білім беру процессімен және оқу базасымен танысады. Мүмкіндіктерімізді көреді. 
Бүгін бірқатар мектептер мен колледждердің оқушылары оқу ордамызда болды. Университеттің әлеуметтік және тәрбие істері жөніндегі проректоры Ғ. Битұрсын мен факультет декандары түлектерге Тәшенев университетінің құрылу тарихы, білім беру бағдарламалары, оқытушы-профессорлар құрамы жөнінде кең мағлұмат берді.