«Сырдария» университетінің «Педагогика және психология» кафедрасының меңгерушісі психология ғылымдарының кандидаты, доцент Орманова Зауре Курбанбайқызы академиялық ұтқырлық аясында «С.Д. Асфендияров атындағы Қазақ ұлттық медицина университетінің» «Коммуникативтік дағдылар» кафедрасының магистранттарына арналған "Жоғары мектеп педагогикасы" пәні бойынша 2021 жылдың «25» наурызы мен 2021 жылдың «07» сәуірі аралығында дәріс пен практикалық сабақтар өткізді.

Қазақстан жоғары оқу орындары арасында білім беру сапасын арттырудың маңызды формаларының бірі академиялық ұтқырлық болып табылады. Әлемге танылған жоғары оқу орындарымен академиялық ұтқырлық негізінде серіктес болу – қоғам талап етіп отырған басты мақсаттардың бірі.

Ел тарихындағы осынау бір зобалаң жылдар таңбасымен қалған ашаршылыққа 89 жыл, қуғын-сүргіннің етек алғанына 84 жыл толды.

Осыған орай «Сырдария» университеті мен Жетісай аудандық ішкі саясат бөлімінің «Жастар ресурстық орталығы» КММ мен ұйымдастыруымен ауқымды шара болып өтті. Қатысушылар бір минуттық үнсіздікпен басталған шарада тарих саласының мамандары ел басына қара бұлт боп төнген сол бір қайғылы жылдардың ауыр зардаптары туралы кеңінен баяндады. Арнайы бейнефильмдер көрсетіліп, тағылымдық әңгімелер айтылды.

Оқу жылының басынан бастап «Сырдария» университетінің электронды кітапханасының қоры 200 жаңа электронды басылыммен толықты. Осы уақыт ішінде ақпараттық технологиялар бөлімінің қызметкерлері оқытушылармен бірге 29 жаңа электронды интерактивті оқулық (ЭО) жасап шығарды, және студенттердың оқу процесінде сұранысқа ие 155 кітап сканерленді. ЭО авторлары зияткерлік меншік комитетінен авторлық куәлік алады (https://sirdariya.kz/kk/kuttyktaular/12-03-2021).

Университет мұражайы – жастарға терең тәлім-тәрбие, өткеннен өшпес-өнеге, болашаққа берік бағдар беретін таптырмас құндылықтармен толыққан құтты мекен. Аталған құндылықтарды халық жадына жайластыру үшін тоқтаусыз еңбек етіп, тарихы терең өлкеміздің өткенін мүлтіксіз баяндаумен келеміз. Осы мақсат жолында мұражайымыздың жұмысын 2016 жылы Түркістан облысының туристік маршуртына енуі жандандыра түсті. Нәтижесінде мұражайымыздың танымдық аясы кеңейіп, отандық және шетелдік саяхатшылардың ел тарихын тереңнен танып, көңіл сарайы кеңінен ашылуына мол үлес қосты.

Халықаралық ынтымақтастық - әлемдік деңгейдегі жоғары оқу орнының мәртебесіне қол жеткізудегі және оны белгілеудегі басты элемент. Бүгінгі таңда бүкіл әлемде халықаралық байланыс мәселелеріне мемлекет тарапынан да ерекше көңіл бөлінуде. 2019 жылғы желтоқсанда Білім беруді және Ғылымды дамытудың 2020-2025 жылдарға арналған мемлекеттік бағдарламасы қабылданды, онда жоғары оқу орындарын интернационалдандыру және Дүниежүзілік рейтингтерде ұсыну жоғары білім беру тиімділігінің негізгі көрсеткіштері ретінде белгіленген.

27 мамыр - әйгілі түрколог, көрнекті қоғам және мемлекет қайраткері, филология ғылымдарының докторы, профессор Мырзатай Жолдасбековтың туған күні.

Осыған орай ҚР Ұлттық академиялық кітапхана ұжымының ұйымдастыруымен «Тәуелсіз елдің заңғар тұлғасы» атты мемлекет және қоғам қайраткері, ҚР Мемлекеттік сыйлығының иегері, филология ғылымдарының докторы, профессор Мырзатай Жолдасбековпен онлайн кездесу өтті.

Мектепті бітіргеннен кейін кешегі мектеп түлегі – «қайда барып оқу керек» деген маңызды шешім қабылдауы керек. Мұндай шешім мен таңдау ең алдымен әрбір талапкердің өзіндік ұмтылысы мен жеке басының дара қасиеттеріне, алдына қойған мақсат-мұраттарына тікелей байланысты болатыны белгілі.
Жоғары білім алу – мектепті енді бітірген әрбір жеткіншек үшін оның өмірін елеулі сипатта өзгертетін, саналы әрі жауапты қадам. Сондықтан да жоғары білім алу мақсатында жоғары оқу орынын таңдау туралы шешім әрбір талапкердің жеке таңдауы болуы тиіс.