"Сырдария" университетінде білім мен кәсіби бағыт жүйелі жүргізіледі. Жуырда білім бағытындағы мамандықтар педагогикалық, экономикалық, жаратылыстану, өнер бағытындағы мамандықтардың студенттері 10 апта өндірістік практикадан өтті.

Осы аталған кәсіптік практиканың нәтижелерін, көрсеткіштерін түйіндеу мақсатында 11сәуір күні 2019 оқу жылындағы бітіруші курс студенттерінің қорытынды конференциясы өткізілді.

Сәуір айының 2 жұлдызында Жастар бөлімінің ұйымдастыруымен университетішілік "Жастар бөлімі кубогы" жайдарман ойыны финалдық бәсекесі болып өтті. Шараға "Гуманитарлық білім" факультетінен "Лидер", "Өнер" факультетінен "Өнер серілері", "Дене тәрбиесі және спорт" факультетінен "Серілер", "Жаратылыстану және математика" факультетінен "Жаратылыс жастары", Жетісай көпсалалы колледжінен "Жетісай колледж" атты командалар қатысты.

Апталық аясында: "Көшбасшылар" мектебі семинар-тренингі, Спартакияда (тоғызқұмалақ, шахмат, баскетбол, воллейбол, футбол, арқан тастыс), "Тағылымды әңгімелер жинағы" алаңы (қонақ: ҚР Мәдениет қайраткері Бөрі Иса), "Мен жастарға сенемін!" атты университетішілік жыр мүшайрасы, "Жастар жылы – жалынды жыл" атты дөңгелек үстел болып өтті.

Нәтижесінде жүзден жүйрік шыққан жеңімпаздарға арнайы дипломдар мен медаль берілді.

Наурыз айының 29 жұлдызында "Сырдария" университетінің негізін салушы, қазіргі таңда ОҚМПУ ректоры, п.ғ.д., пофессор, ҚР ҰҒА корреспондент мүшесі, Түркістан облысының мәслихаты депутаты Оңалбай Аяшев Жастар жылы аясында белсенді студентермен кездесті. Студенттер үшін Оңалбай Аяшұлымен жүзбе-жүз кездесіп, өздерін толғандырған сауалдарын қою үлкен мүмкіндік. Белсенді-жастар тарапынан қойылған сұрақтар мен айтылған мәселелердің бағыты да жан-жақты болды.

Бүгін "Сырдария" университетінде Елорданың "Нұр-Сұлтан" атауына ауыстырылуын қолдау бойынша форум өтті.

Аталған іс-шарада, Қазақстан Республикасының Президенті Қасым-Жомарт Тоқаевтың 2019 жылғы 23 наурыздағы №6 Жарлығымен Қазақстан Республикасының Астанасы – Нұр-Сұлтан қаласы болып қайта аталуы, Ел Президентінің бұл тарихи шешімі – Қазақстан Республикасы Парламентімен бірауыздан мақұлданған, еліміздің саяси дамуындағы қалыпты жағдай болып табылатындығы туралы сөз қозғалды.

Бірінші орта салмақ дәрежесінде жастар арасында WBC тұжырымы бойынша әлем чемпионы атағын еншілеген Садриддин Ахмедов университетімізге арнайы ат басын бұрып, студент-жастармен кездесті. Кездесу барысында бір жылға жетер-жетпес уақыт аралығында жеті мәрте шаршы алаңға шығып, барлық кездесулерін нокаутпен аяқтаған 21 жастағы Садриддин өзінің спортқа келу тарихымен бөлісті. Студент-жастар өзідерін қызықтырып жүрген сұрақтарын қойып, тұщымды жауаптар алды.

Ырыс пен ынтымақтың, береке мен бірліктің жаршысына айналған   Ұлыстың ұлы күні – Наурыз мейрамы "Сырдария" университетінде айрықша сән-салтанатпен тойланды.