Мамыр айының 14-жұлдызында университетіміздің сайлауалды түсіндірме жұмыстарына байланысты өткізілген жиында оқу орнының ұстаздары "Nur Otan" партиясының атынан ұсынылған кандидатты алдағы 9 маусым күні өтетін кезектен тыс президент сайлауына лайықты үміткер деп санайды. Сонымен қатар, университет ұжымы халықты сайлау науқанына белсенді түрде атсалысуға шақырды. Өйткені дұрыс әрі лайықты таңдау жасау мемлекеттің тұрақты дамуына негіз болады. 

Мамырдың 3-жұлдызында университетімізде "Өнер" факультетінің ұйымдастыруымен "7 мамыр – Отан қорғаушылар күні" мен "9 мамыр – Жеңіс күні" мерекесіне орай мерекелік кеш өтті.

Отан қорғаушылар мен Ұлы Жеңістің 74 жылдығына арналған мерекелік шара Ұлы Отан соғысының батырлары М.Мәметова, Ә.Молдағұлова, Т.Бигелдинов, Х.Доспанова, Б.Момышұлы т.б. жеңіске ұмтылған ерліктерін бейнебаян арқылы көрсетуден басталды.

"Сырдария" университетінің "Назерке" би тобының мерейтойлық концерті көрермендер үшін нағыз мерекеге айналды. Бишілер 2019 жылдың 26 сәуір күні сахнада университетіміздің өнерлі жігіттерінен құралған "Серілер" би тобымен бірге бар шеберліктері мен өнерпаздықтарын көрсетті. "Назеркенің" талантты музыкалық қойылымдары әртүрлі бағыттарда түрлі репертуарлармен көрермендерге танымал болып келген. Бүгін жиналғандар назарына ұлттық билер мен әсерлі жастар ырғақтарындағы нөмірлер қойылды.

Президент сайлауын мерзімінен бұрын өткізу қазақстандық қоғам үшін қажетті қадам. Осы орайда "Сырдария" университетінде Жастар бөлімі мен студенттер бірігіп, "Жастар және сайлау" атты конференция өткізді. Жиынға Оқу-әдістемелік басқарма бөлімінің басшысы, доцент, саясаттану ғылымдарының кандидаты Рая Тәжітаева мен алғаш рет сайлауға дауыс беретін университетіміздің студент-жастары қатысты.

Ағымдағы жылдың 24 сәуірінде "Сырдария" университетінде Жастар жылы аясында өткізіліп жатқан дәстүрлі мектеп бітірушілердің аймақтық пәнаралық олимпиадасы болып өтті. Олимпиада дарынды оқушылардың оқу-танымдық қабілеттерін ынталандыру, пәндік білімдерін анықтау, ғылымға деген қызығушылықтарын дамыту мақсатында ұйымдастырылды.

15 бағыт бойынша жүргізілген олимпиадада 300-ге жуық оқушы қатысты. Оқушылар әр бағыттың шартына сәйкес тапсырмалар орындады.

Олимпиаданың қорытынды көрсеткіштерінің нәтижесінде жеңімпаздар төмендегіше марапатталды:

"Қозы Көрпеш-Баян Сұлу" күні де есігімізді қағып келді. Ежелден-ақ, адам баласы ұлы махаббат сезімін ерекше қадірлеп, қастерлеп келген. Соның әсері болса керек, әр халық осы сезімді құрметтеп, бағалануын тілеп, түрлі күндерді ойлап тапқан. Енді елімізде махаббатты қастерлеудің жаңа дәуірі келе жатыр. Кіршіксіз махаббатқа толы жүрек иелері Қозы Көрпеш пен Баян сұлу күнін атап өтіп, осы күні барлық жақындарымызға, ғашықтарымызға сезімімізді білдіріп, құрмет көрсету әр қазақтың борышы болса керек.

Ағымдағы жылдың 18 сәуірінде Түркістан өңірінде алғаш рет Республикалық "Жас ұрпақтың жаһандық көзқарасы" бірінші ауқымды форумы болып өтті.