Жұмабек Ахметұлы Тәшенев университетінде 2024 жылдың 23 желтоқсан күні “Қаржыландыру конкурсына өтінімдер беру туралы ғылыми-әдістемелік семинар” өтті. Семинарды Академиялық мәселелер туралы жөніндегі департамент директоры Оралбекова Алия Құрбанқызы жүргізді. Сонымен қатар семинарда жас ғалымдардарға  ғылыми бағыттар бойынша  2025-2027 жылдарға арналған гранттық қаржыландыру конкурсына өтінім жіберілу түсіндірілді.
Аталған семинарға факультет декандары, кафедра меңгерушілері, жас ғалымдар және магистранттар қатысты.
 

19.12.2024 күні «Ж.А.Тәшенев атындағы университеті»АҚ «Өнер және спорт» факультеті «Саз және ән» кафедрасының меңгерушісі Д.К.Азизханованың ұйымдастыруымен кезекті кафедра мәжілісі өтті. Мәжіліске кафедра профессор құрамы толығымен қатынасты. Кафедра мәжілісінде мына төмендегі мәселелелер қарастырылды:
1.Кафедрадағы оқулықтар, оқу құралдары мен әдістемелік нұсқаулардың әзірленуі туралы
2.ПОҚ жеке жоспарында жазылған пунктердің орындалу жоспары
3.Бітіруші түлектердің жұмысқа орналасу көрсеткішіне мониторинг жасау

Ағылшын тілі кафедрасы оқытушыларын  білім жолында жасаған еңбектерінің баспадан шыққанына құттықтаймыз!

15.12.2023 «Өнер және спорт» факультетінің, «Саз және ән» кафедрасының магистр, аға оқытушысы Байгунова Динара Мадихановна «Жылдың үздік педагогы» атты  төс белгімен марапатталды.

2024 жылдың 13 желтоқсанында «Педагогика және бастауышты оқытудың әдістемесі» кафедрасының профессоры п.ғ.д. Досбенбетова Анара Шаймахановнаның бастауымен құрылған «Томирис» қыздар клубы бір жыл бойы өткізілген дөңгелек үстелдер мен іс-шаралар бойынша есеп беру іс-шарасын өткізді. Бұл іс-шарада клуб мүшелері бір жылдық жұмысының нәтижелерін қорытындылап қана қоймай, бірінші курс студенттерін клуб мүшелігіне қабылдады.

13.12.2023 күні «Өнер және саз» кафедрасының магистр, аға оқытушысы Байгунова Динара Мадихановна “Орындау өнерінің тарихы” пәнінен ПиК-21-15к топ студенттерімен бірге “Халық күйлерінің шығу тарихы” -атты тақырыпта ашық практикалық сабақ өткізді. Сабақ өз уақытында басталып,бірнеше көрнекіліктермен жаңа әдістерді қолдану арқылы видео слайдтар қолдану барысында жүргізілді. Студенттер толығымен тапсырамалармен  қамтылып, сабақтың қызықты тартымды өтуіне ат салысты. Сабақ соңы студенттердің  ұлы күйші Құрманғазының күйін орындаумен аяқталды. Сабақ өте жоғары деңгейде өтті.

2024 жылғы 12 желтоқсан күні, сағат 11:30-да, 207-аудиторияда «Қазақстан экономикасы» пәні бойынша ашық практикалық сабақ өтті.  
Сабақтың тақырыбы:  «Ұлттық экономиканы әлемдік экономикалық кеңістікке интеграциялау»
Бұл сабаққа  ИЭФ-24-1к, 2к, 3к, 11к топтарының студенттері қатысты.  
Сабақ барысында Қазақстанның жаһандық экономикаға ықпалдасуының негізгі бағыттары, халықаралық экономикалық ынтымақтастықтың артықшылықтары мен ұлттық экономиканың даму стратегиялары жан-жақты талқыланды.  

2024 жылдың 11-12 желтоқсан аралығында Жұмабек Ахметұлы Тәшенев атындағы университетінде «Аккредиттеудің Тәуелсіз Қазақстандық орталығы» коммерциялық емес мекемесінің сыртқы эксперттік тобы 6В06102-«Ақпараттық жүйелер», 6B04202-«Бизнес және құқық» және 6В02111-«Fashion индустрия» білім беру бағдарламалары бойынша халықаралық бағдарламалық аккредиттеу стандарттарының өлшемдеріне сәйкестігі тұрғысынан тексеру жұмыстарын жүргізді.