Профессор-оқытушылардың ішкі академиялық ұтқырлық бағдарламасына қатысуын жүзеге асыру мақсатында:
“Сырдария” университеті мен «Орталық-Азия инновациялық университеті» арасындағы ынтымақтастық туралы келісім шарт негізінде университетіміздің профессор-оқытушылары, 2022 жылдың 31 қаңтар мен 07 ақпан оқу мерзімі аралығында дәріс оқып, сертификаттармен марапатталды!
1. Ынтымаков Советжан Аргынбаевич -заң ғылымдарының кандидаты
2. Бакиров Ержан Амангельдиевич - аға оқытушы, магистр
3. Аширбаева Назиля Нурканатовна - философия докторы (PhD)

«Сырдария» университетінде Lesson Study (мұғалімдерді оқыту және олардың тәжірибесін дамытудағы ынтымақтастық тәсілі) өтті. Жаңа дәуірдің жаңа бағдары, ол - білім беру саласындағы өзгерістер екені сөзсіз. Жалпы орта мектептердегі білім беру мазмұнының жаңғыруы педагог кадрларды даярлайтын жоғары оқу орындарына үлкен жауапкершілік жүктейді. 
Бүгінде «Сырдария» университеті педагогикалық кадрларды даярлайтын білім беру бағдарламаларын толықтай жаңартып, жаңа бетбұрыс жасап отыр.

Мұқағали Мақатаев - қазақтың әйгілі ақыны. 
Мұқағали поэзиясының қайнар көзі, шабыт тұғыры туған елі, өскен жері, Отан тағдыры, замана тынысы, замандастарының арман аңсары. Осының бәрін Мұқағали жас дарынға тән қайталанбас шеберлікпен, тәңірдің таңдайынан төгілгендей поэтикалық мінсіз үйлесіммен, әр жүрекпен тіл табысар сыршыл да шыншыл сезіммен, нағыз поэзияға ғана тән бейнелі образдармен бедерлеп, өлмес өнер деңгейінде туындатып отырған. Ол өз шығармалары арқылы қазақ поэзиясын жаңа биіктерге көтеріп, мазмұнын байытты.

Болашақ педагог мамандардың теориялық білімдері мен практикалық тәжірибелерін ұштастыратын негізгі форма – педагогикалық практика. Болашақ педагог мамандардың педагогикалық қызметті меңгеруі тек теориялық оқу мен практикалық тәжірибе өзара байланыста болған жағдайда ғана жүзеге асады. Педагогикалық практикадан өту кезінде студент-практикант қаншалықты мамандықты дұрыс таңдағанын, өзінің тұлғалық қабілеттерінің болашақ мамандығымен үйлесімділік деңгейін анықтайды.

Бүгін «Хан Тәңірінің мұзбалағы» атанған Мұқағали Мақатаевтың туған күні! Құтты болсын, әріптестер!
«Ай таңбалы арғымағына» мініп, құлағымызға Мұқағалидың үні мен жыры шалынып, Алаштың жыр бәйгесінің алдынан көріне берсін!
Сондай-ақ,
Балапанды бездірсең ұясынан,
Ажырайды қаламым сиясынан.
...Сіздің жаңа күйіңіз
қандай аға -
 Біздің күйдің атауы – «…Ми ашыған...» - деп жырлаған ақын Ғалым Жайлыбайдың да Тәңір маңдайыңа Мұқағалимен бір күнде Жарық Дүниеге келуді жазған екен!

Syrdariya University Students’ Union ұйымдастыруымен студенттік пікірсайыс өтті. Пікірсайысқа 2 команда қатысты. Білім алушылар “Б.П.21 ғасырдағы ең қажетті мамандықтыкөрсетеді” тақырыбында пікір таластырды. 
Дебат 3 кезеңде өтті. Бірінші кезеңде командалар жеке көзқарастарын таныстырды. Екінші кезеңде қатысушылар қарсы тарапқа сұрақ қойып пікір таластырды. Үшінші кезеңде екі тарапта сындарға жауап беріп, өз аргументтерін нығайтты. 
Пікірсайыс - білім алушыларға кез келген тақырыпта ой алмасуға , өз позициялары мен дағдыларын дамытуға көмектеседі.