"Сырдария" университеті "Ұлттық бизнес-рейтинг" атты халықаралық рейтингтік бағдарлама құрастырған Қазақстан Республикасы кәсіпорындарының 2018-2019 жылдар қорытындысы бойынша "жоғары білім" санатында жалпы мемлекеттік екі рейтингте "күміс рейтингіне" енді.

Қазақстан Республикасының салық төлеушілерін жалпы мемлекеттік саралаудың қорытындысы бойынша "Сырдария" университеті "Сала көшбасшысы – 2019" марапатының иегері атанды.

"Сырдария" университеті Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған "Еңбек" мемлекеттік бағдарламасы шеңберінде қысқа мерзімді кәсіптік оқыту курсын жүргізіп, аудан тұрғындарына қосымша біліктілік куәліктер тапсырды.

Әр адамның жадында ерекше естеліктермен жатталып қалған студенттік өмір ешқашан ұмытылмайды. Қызығы мен шыжығы мол сол бір төрт жыл талай әдемі де, әсерлі әңгіменің арқауы болып, көрігін қыздырғаны хақ. Әр адамның өмірінде айрықша орын алатын осы кезең – үйден жырақта жүріп, өмірді тануға, өзіңді танытуға арналған уақыт десек, артық айтқандық емес. Жыл сайын дәстүрлі түрде атап өтілетін айтулы мереке – Студенттер күнін бүгінгі жас буын асыға күтеді. Осығын орай биылғы жылдың мерекесі де өз ерекшелігімен орын алды.

Қараша айының 11 жұлдызында "Сырдария" университетінің Президенті Серік Оңалбайұлы жастар орталығының ұсынысымен университеттің белсенді жастарымен кездесті. Кездесу ашық, еркін форматта өтті. Белсенді студенттер өздерінің атқарып жүрген жұмыстарымен таныстырды, болашақ жоспарларымен бөлісіп, көкейлерінде жүрген ұсыныстарын айтты. Кездесуге қатысқан Серік Оңалбайұлы әрқайсысын мұқият тыңдап, сұрақтарына жауап беріп, ұсыныстарын жазып алды.

Қойылған сұрақтардың ішінде мысалы, жаңа мамандықтар ашу, оқу орнында қандай өзгерістер болу мүмкіндігі туралы болды.

2019 жылдың 1 қарашасы күні "Сырдария" университетінде қазақтың аса көрнекті ағартушы-педагогы, жазушы, фольклоршы, этнограф, қоғам қайраткері Ыбырай Алтынсариннің туылғанына 178 жыл толуына орай "Тарихтан тағылым – өткенге тағзым" атты әдеби-танымдық, тағылымдық кеш өтті.

Аталған шараның мақсаты – Ы.Алтынсарин шығармашылығын насихаттау арқылы жастардың ана тіліне деген сүйіспеншілігін арттыру. Мемлекеттік тілдің қолданыс аясын кеңейтіп, мәртебесін көтеру, жастарды патриотизмге тәрбиелеу.

2019-2020 жылдың қазан айының 28-29 күндері университеттің сапа менеджменті жүйесін халықаралық ISO 9001:2015 стандартының талаптарына сәйкес сыртқы бақылау аудиті өткізілді. Сыртқы бақылау аудитін Түрік стандарттары институтынан келген эксперттер Ekrem Kale, Mustafa Tikansak өткізді.

Ағымдағы жылдың 29 қазанында "Сырдария" университетінде "Жаратылыстану" факультетінің ұйымдастыруымен күзгі жеміс-жидектер мен көкөністерден жасалған "Алтын күз" көрмесі өтті.

Аталмыш көрмеге университеттің профессор-оқытушылары мен студент-жастары белсене қатысты. Студенттердің бәрі ұшқыр қиял иелері екендіктерін көрсете білді. Олар жемістің сан-алуан түрлерінен көз тартатын әдемі дүниелер жасаған.

Көрмені тамашалағандардың бойында молшылық пен берекенің мезгілі күздің бейне бір бау-бақшасына келгендей жақсы әсер қалдырды.

2019 жылдың 28 қазанында "Сырдария" университетінде "Nur Otan" партиясының бастамасымен "МЕНІҢ ОТАНЫМ – МЕНІҢ ТУЫМ" атты патриоттық акциясы аясында мемлекеттік Ту көтеру салтанатты рәсімі өтті. Республика бойынша бастау алған шараға "Nur Otan" партиясының өкілдері мен университет ұжымы қатысты.

Акцияның мақсаты – мемлекеттік Туды насихаттап, қазақстандық жастардың туған еліне деген отансүйгіштігін ояту.

Қазан айының 24-жұлдызында "Сырдария" университетінің виртуалды кітапханасында "Білім беру технологиялары" кафедрасының аға оқытушысы, педагогика ғылымдарының магистрі Файзиев Нұржанның ұйымдастыруымен "Болашақ педагогтардың жаңартылған білім беру мазмұнына креативті көзқарасы" тақырыбында дөңгелек үстел өтті.