«Жасанды интеллект элементтерін оқу процесінде пайдалану» семинар

2024 жылғы 10 қаңтарда Жұмабек Тәшенов атындағы университетте «Цифрлық дәуірдегі білім беру: медиасауаттылық пен тұрақты даму үшін инновациялық әдістер» тақырыбында семинар өтті. Бұл іс-шара Қазақстан жастарының әлеуметтенуі мен мәдениетаралық өзара әрекеттесуінің негізгі факторы ретінде медиасауаттылықты қалыптастыру мақсатында тілдік және медиа білім беру әдістемесін интеграциялау жобасы аясында ұйымдастырылды. Семинарға ағылшын тілі, орыс және өзбек тілдері, ақпараттық-коммуникациялық технологиялар кафедраларының профессор-оқытушылары қатысты.
Семинарды әл-Фараби атындағы ҚазҰУ Түркология және тіл теориясы кафедрасының доценті, педагогика ғылымдарының кандидаты Елубаева Перизат Келдібайқызы өткізді.
Семинар аралас форматта – дәрістер, практикалық шеберлік сыныптары, семинарлар мен пікірталастар түрінде өте қызықты өтті. Ол цифрлық дәуірде тілдерді оқыту дағдыларын дамытуға, медиасауаттылықты арттыруға, инновациялық әдістерді енгізуге және жасанды интеллект құралдарын білім беру процесінде пайдалануға бағытталған. Сонымен қатар, іс-шара тұрақты даму қағидаттарын білім беру ортасында ілгерілетуге және цифрлық дәуірде медиасауаттылық пен инновациялық әдістерге баса назар аудара отырып, тілдерді оқыту дағдыларын дамытуға ықпал етеді.

Материалды дайындаған: ағылшын тілі кафедрасының меңгерушісі, PhD Артықбаева Ф.І.