Сессияда ұсыныс білдірді

Университетіміздің Халықаралық қатынастар департаментінің директоры Шахло Наралиева Астана қаласында өткен ҚХА 32-сессиясына қатысып қайтты. Пленарлық мәжілісінде сөз алған Шахло Жамалқызы өз ұсыныстарын да жеткізді.
«Біз қазіргі таңда әлемдік аре¬надағы түрлі өзгерістерге куә болудамыз. Жер бетінде өзіндік ерекше мәдениеті, салт-дәстүрі, әдет-ғұрпы бар түрлі ұлттар тұрады. Тереңінен зер сала қарасақ адамдар бір-бірімен жіпсіз байланыста. Бүгінде Қазақстан көптеген ұлттар өкілдерінің ортақ үйі, қасиетті Отаны болып отыр. Діні, мәдениеті, тілі, сал-дәстүрі әртүрлі ұлттардың елімізде тату-тәтті өмір сүріп келе жатқаны абыройымызды арттыра түсуде. Бұл тұрғыда Қазақстан әлемге үлгі”,— деп атап өтті өз сөзінде Шахло Жамалқызы. Одан соң, ҚХА саяси реформаларды іске асырудағы жалпы және жалпыұлттық бірлікті нығайтудағы рөлі аясында ұсынысын жеткізді. Онда Шымкент қаласында мемлекеттік этносаясатты жергілікті тұрғындарға насихаттау аясында ақпараттық топтың жүйелі жүиыс жүргізіп жатқанын, мұндай маңызды топтың өзге өңірлерге де қажеттілігін айтты.