15 ақпан күні №10 "Қайнар" мектеп-гимназия" коммуналдық мемлекеттік мекемесінде "Менің таңдауым – менің болашағым" тақырыбында семинар болып өтті. Семинарға қонақ ретінде "Сырдария" университетінің профессор-оқытушылары Тұрар Алипбаев, Мұратбек Нұрбек, Ләззат Абенова барып қайтты. "Сырдария" университетін бітіріп шыққан 40 түлек, қазіргі таңда осы мектептің білікті де білімді ұстазы болып отыр. Семир қонақтарды қарсы алудан бастап фойеде көрме көрсетіліп, мектеп тарихымен таныстырылды.

14 ақпанда "Сырдария" университетінің "Қазақстан" студенттер сарайында оқу ордамыздың ректоры С.С. Дайырбеков пен барша бірінші курс студенттерінің кездесуі өтті. Кездесудің мақсаты – оқу орнының табалдырығын кеше ғана аттаған жастардың студенттік өмірге бейімделуіне қолғабыс ету, көкейлеріндегі сауалдарға жауап беру. Студенттерді ЖОО-дағы білім беру үрдісі, мамандықтары бойынша болашақта жұмыспен қамтамасыз етілуі, тәжірибеден өту мүмкіндіктері, сондай-ақ, тұрмыстық және әлеуметтік сипаттағы мәселелер қызықтырды.

11 ақпанда "Сырдария" университетінде "Ерлікке тағзым" атты Ауған соғысы ардагерлерімен кездесу болып өтті.

Мақсаты – Отан алдындағы жауынгерлік борышын өтеу барысында жат жерде жан тапсырып, құрбан болған боздақтардың есімдерін халық жадында мәңгілік қалдыру және Ауған соғысы ардагерлерін халқымызға, оның ішінде жастарға насихаттап, егемен еліміздің жас ұрпағы алдыңғы ағалар жолының ерлік шежіресімен таныстыру, оларды отансүйгіштік, патриоттық рухта тәрбиелеуге үлес қосу болып табылады.

8 ақпан күні "Сырдария" университетінде дара дарын, халқының қара өлеңін құдыретке айналдырған Мұқағали Мақатаевтың туған күніне арналған "Мұқым елдің мұзбалағы" атты әдеби-сазды кеш болып өтті.

Жыр кернеуі алға жылжыған сайын М.Мақатаевтың артына қалдырған өшпес мұрасы жарық жұлдыздың қараңғы түн қойнауынан құпия сәулесін шашқандай жарқырайды. Қысқа ғұмырында М.Мақатаев ұрпақтарға ұлан-ғайыр мұра қалдырып кеткен ұлы ақын.

Елбасы жариялаған 2019 жыл – Жастар жылына сәйкес, "Сырдария" университетінің студент-жастары Оңтүстік аймақтарындағы жастарға Үндеу жариялаған болатын. Осыған орай "ONTUSTIK" телеарнасындағы "Бүгінгі әңгіме" бағдарламасында "Сырдария" университетінің Тәрбие істері және әлеуметтік мәселелер жөніндегі проректор Нұрбек Мұратбек пен Жастар бөлімінің басшысы Бектеміс Мейірхан қонақта болды.

"Сырдария" университетінде 7 ақпан күні жылдағы үрдіс бойынша студенттер мен ректор арасында кездесу-жиналысы өтті. Мұндай жиналыстың мақсаты – барлық курс студенттерінің топ басшылары, бірінші курс студенттері және бітіруші түлектердің көкейінде жүрген сұрақтарын қойып, тұщымды жауап алу, түйіткілді мәселелердің түйінін табу болатын. Университет ректоры Серік Сансызбайұлы әуелі студенттерді жастар жылымен құттықтаудан бастады: "Баршаңызды 2019 – Жастар жылымен шын жүректен құттықтаймын! Қазіргі таңда жастарға көп жүк артылып жатыр.

2019 жылдың 5 ақпанында студенттер арасында университетішілік "Дойбы" ойыны бойынша сайыс болып өтті. Шараны өткізудегі мақсат – студент-жастардың білім алуымен бірге қоғамдық-мәдени, спорттық шараларға белсене ат салысуына ықпал ету, тапқырлыққа, тез шешім қабылдауға үйрету, логикалық ой өрісін дамыту.

Құрметті құрбы-құрдастар!!!

Президент Жарлығымен 2019 жылдың "Жастар жылы" болып жариялануы бізге керемет мүмкіндіктер сыйлады.

Бұл – маңызды оқиға, біз үшін үлкен қуаныш. Елбасы Н.Ә.Назарбаев сыйлаған "Жастар жылы" – жаңа буынға арналған тұғыры биік ерекше мәртебе.

Қазіргі дәуір – біздің уақыт!

Кез-келген мемлекеттің болашағын жалғайтын жастар. Өйткені, жастары жігерлі ел ғана болашаққа даңғыл жол салып, биік белестерді бағындырады. Осыны ескерген Елбасы 2019 жылды "Жастар жылы" деп жариялады. Бұл – біздер үшін жаңа мүмкіндіктердің бастауы. Осығын орай "Сырдария" университетінде Жастар бөлімінің ұйымдастыруымен "Жастар жылы – жасампаздықтың бастауы" атты жастар форумы өтті.

Үстіміздегі жылдың 25 қаңтарында облысымызға ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің "Sanaly urpaq" республикалық жобалық кеңсесінің басшысы Қайыржан Ахметбекұлы Токушевтің келуіне байланысты, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Түркістан облысы бойынша департамент басшысы, Әдеп жөніндегі кеңес төрағасы Ғ.Тұрсынбаевтың шақыруымен "Сырдария" университетінің тәрбие істері және әлеуметтік мәселелер жөніндегі проректоры М.