Қолөнер туындылары ұсынылды

«Shym Qala» этно ауылында өткен «Этно Шымкент» фестиваліне Tashenev University «Өнер және дизайн» кафедрасының студенттері де қатысты. 
Шымкент қаласының туристік әлеуетін арттыру мақсатында өткен шарада этно-фольклорлық ансамблінің ұлттық нақыштағы әндері, жергілікті аспаздардың шығыс және ұлттық тағамдары ұсынылды. Қаланың жергілікті қолөнершілерімен бірге біздің универсиет студенттері де өздері жасаған ұлттық бағыттағы қолөнер, кәдесый бұйымдарын көпшілік назарына ұсынды. Одан бөлек, кафедра студенттері ұлттық киімдер көрсетілімінде де өз үлестерін қосып, өздері тіккен сәндік киімдер қойылымын қойды.