Проректор ұсынысы назарға алынды

Елордада ЖОО проректорларының қатысуымен «Жастарды әлеуметтендіру мәселесі» тақырыбында өткен форумға қатысып қайтқан университетіміздің Әлеуметтік және тәрбие ісі жөніндегі проректоры Ғалымжан Битұрсын оқытушы-профессорлар құрамын онда қаралған мәселелермен, ұсыныстармен және форум қорытындысымен таныстырды. 
ҚР Ғылым және жоғары білім министрі Саясат Нұрбектің қатысуымен өткен жиында проректор Ғ. Битұрсын сөз алып, бірқатар ұсыныстар жолдады. Олардың қатарында:
- Тәлімгерлердің статусын көтеру мақсатында «Үздік тәлімгер» конкурсын республикалық ведомстволық марапаттар тізіміне енгізу туралы
- ЖОО-дағы жастарға Каспий банк тарапынан несие берілгенде несие алушының төлем қабілетін тексеру туралы мәселелер бар
Аталған ұсыныстар министрліктің қолдауына ие болып, назарға алынды. Сонымен қатар, форум қорытындысымен Университет жанынан шетелдік ЖОО-ның филиалын ашу, министрлік жанынан республикалық студенттік кеңестің ашылуы, студенттердің құқықтық сауаттылығын арттыру, оларға психикалық көмек беру, студенттердің қаржылық және ақпараттық сауаттылығын арттыру, әлеуметтік (ғылыми) JPA балл жүйесін оқу-тәрбие үдерісіне енгізу және басқа да мәселелер қаралды. 
Университетімізде аталған жәйттер төңірегінде жұмыс жүргізу шаралары басталып кетті.