Тәлімгерлік сағат

2021 жылы 25 ақпан күні «Сырдария» университетінде «Жемқорлыққа қарсы күресті күшейту, оған жол бермеу, сыбайлас жемқорлық үшін жағдай туғызатын әрекеттердің алдын алу мақсатында студенттермен тәрбие жұмыстарын жүргізу» тақырыбында Инф-10жғ тобына тәлімгерлік сағат өтілді.
Мақсаты - білім алушылардың бойында адалдық, парасаттылық, әділдік, сенім құндылықтарын сіңіруге және жастардың рухани болмысын бекітіп, сыбайлас жемқорлыққа қарсы мәдениетін қалыптастыру.
Іс-шараға «Бағдарламалық қамтамасыз ету» кафедрасының аға оқытушылары, ғылым магистрлері Салихова Г.Х., Алтынбеков С.Е., Өмірзақ А. қатысты.
Алтынбеков С.Е. өз баяндамасында сыбайлас жемқорлық ұғымының мәні мен мазмұны, алдын алу жолдары, оның түрлері және сыбайлас жемқорлыққа қарсы атқарылып жатқан іс-шаралар жайлы айтып өтті.
Тәлімгерлік сағат барысында барысында тұлғаның сыбайлас жемқорлыққа қарсы мәдениетін қалыптастырудағы отбасының рөлі, сыбайлас жемқорлыққа қарсы мәдениеттің ұлттық негіздері, сыбайлас жемқорлыққа қарсы білім мен тәрбие мәселелері қарастырылды. Салихова Г.Х. сыбайлас жемқорлықтың алдын алудағы білім мен тәрбиенің маңызы және жастардың сыбайлас жемқорлыққа қарсы сана-сезімін қалыптастыру ерекшеліктері жайлы ойымен бөлісті.