Бауырластық

Қазақстанның Шымкент облысында өзбек тілі мен мәдениеті орталығы ашылды
Шымкенттегі Жұмабек Тәшенов атындағы университетте өзбек тілі мен мәдениеті орталығы ашылды.

Ол осы университет пен Әндіжан мемлекеттік педагогикалық институты арасында жасалған ынтымақтастық туралы меморандум негізінде жұмыс істей бастады.
Айта кету керек, университет «Өзбек тілі мен әдебиеті мұғалімдері» бағдарламасы бойынша бакалаврлар мен магистрлерді дайындайды.
Университеттің құрылғанына 25 жыл толуына арналған халықаралық ғылыми-тәжірибелік конференция аясында өзбек тілі мен мәдениеті орталығының ашылу салтанаты өтті.
Оған Әндіжан мемлекеттік педагогикалық институтының ректоры Бахтиёр Расулов бастаған Өзбекстанның жоғары оқу орындарының өкілдерінен құралған делегация қатысты.
Қазақстандық тарап өзбек тілі мен мәдениеті орталығын құруға лайықты үлес қосқан Әндіжан мемлекеттік педагогикалық институты мен Ташкент мемлекеттік өзбек тілі мен әдебиеті университетінің басшылығына ризашылығын білдірді.
Шарада сөз сөйлегендер бұл орталықтың ашылуы Өзбекстан мен Қазақстан арасындағы сапалық тұрғыдан жаңа деңгейге көтерілетін білім және мәдениет саласындағы қарым-қатынастарды практикалық мазмұнмен байытатынын атап өтті.
Атап өткендей, орталық Өзбекстанның ұлттық мәдениетін, әдебиетін және салт-дәстүрін кеңінен насихаттауға мүмкіндік береді.
«Дүнё» ИА.
Шымкент