Физика мұғалімдерін даярлау

"Сырдария" университеті – еліміздің оңтүстік қиырындағы шалғай аудан жастарын жоғары білім алуға тарту, оларды білікті мамандар етіп тәрбиелеу мақсатымен ашылған білім ордасы.

Қазіргі таңда, оқу орны студенттердің білім алуына барлық мүмкіндіктерді жасап отыр. Соның ішінде, 6В01502-Физика мұғалімдерін даярлау білім беру бағдарламасы бойынша:
✓ Физиканы оқыту әдістемесі;
✓ Механика;
✓ Молекулалық физика;
✓ Электр және магнетизм;
✓ Оптика пәндерінен оқу лабораториялары бар.
Оқыту мақсаттарына жетуге ықпал ететін оқу сабақтарының тиімді түрлерінің бірі лабораториялық сабақтар болып табылады, оларды орындау студенттердің зерттеушілік және эксперименталдық біліктіліктерін қалыптастырады.

Физикалық оқу лабораториялары қазіргі заманға сай лабораториялық және демонстрациялық құрал-жабдықтармен толық қамтамасыз етілген. Білім беру бағдарламасы бойынша оқитын студенттер университет лабораторияларында өзіндік оқу және зерттеу жұмыстарын жүргізеді.
Лабораториялық жұмыстарда физикалық ұғымдарды меңгеруге және алған білімдерін тәжірибеде қолдануға арналған тапсырмалар болады. Бұл тапсырмалар біздің студенттеріміздің физикадан алған білімдерін одан әрі толықтырады.