ҚАЗАҚСТАН - ҮНДІСТАН: ҒЫЛЫМИ-МӘДЕНИ-ӘДЕБИ СЕРІКТЕСТІК

Жұмабек Тәшенев атындағы университет әлемдік ТОП университеттермен тығыз байланыс орнатып келеді.  Сондай білім ордаларының бірі халықаралық QS рейтингісінде 521 орынды иеленіп отырған жетекші оқу орны – Индия астанасы Делидегі Жавахарлал Неру (Jawaharlal Nehru) университеті. 
2024 жылдың 26-29 қараша күндері Неру университеті және “Jamia Millia Islamia” университеті, Нельсон Мандела орталығының ұйымдастыруымен «Даро Шукух: мәдени жаңару және діни төзімділік» тақырыбындағы халықаралық ғылыми-тәжірибелік конференция өтті. Конференцияда университетіміз өкілі PhD доктор Шахло Наралиеваның жасаған баяндамасы конференция қатысушыларында үлкен қызығушылық оятты.  
Сонымен қатар, халықаралық ғылыми-тәжірибелік конференция аясында Джавахарлал Неру университетінде «Шеберлік сабақтар» ұйымдастырылды және осы іс-шарада өзбек тілін оқитын Филология факультетінің, Орталық Азия ғылыми-зерттеу орталығының студенттері қатысты.
Ісшаралар барысында жаңа кітаптардың тұсаукесері мен өлеңдер мүшәйрасы, дөңгелек үстел да өтті. Дөңгелек үстел барысында Жавахарлал Неру университетінің II ректоры профессор Дипендра Натх Дас, Орталық Азия ғылыми-зерттеу орталығының жетекшісі, профессор Ахлак Ахмед Ахан, өзбек тілінің оқытушысы, доцент Шахбоз Амиль Ханмен қатысушылар ғылыми-әдеби конференцияны талқылап, ынтымақтастықта өткізілетін семинарлар, презентациялар, ән-би байқауларын ұйымдастыру туралы пікір алмасып, сондай ісшаралар достық пен бауырмалдықты нығайтуда үлкен маңызға ие екенін атап өтті.