Халықаралық ғылыми-практикалық NEO конференция

Ж.Тәшенев университетінің 25 жылдығы қарсаңында Ташенев оқулары: «Білім мен ғылымды дамытудың өзекті трендтері мен перспективалық бағыттары» атты Халықаралық ғылыми-практикалық NEO конференция өтті.
Тәшенев оқулары: «Білім мен ғылымды дамытудың өзекті трендтері мен перспективалық бағыттары» атты Халықаралық ғылыми-практикалық NEO конференцияға алыс-жақын аймақтардан арнайы әріптес қонақтарымыз келді.

Олардың қатарында: Өзбекстан мемлекеттік хореография академиясының ректоры, профессор - Тохтасимов Шухрат Махмутович, Әндижан мемлекеттік педагогикалық институтының ректоры профессор, п.ғ.д - Расулов Бахтияр Махмуджанович, А. Навои атындағы Ташкент мемлекеттiк өзбек тілі мен әдебиеті университетінің ректоры, профессор, ф.ғ.д - Сирожиддинов Шухрат Самариддинович, Түркия мемлекеті, Анкара қаласы, Гази университетің профессоры – Халил Ибрахим Булбул және онлайн Ұлыбритания мен Санк-Петербург, Қазақстан қалаларынан қатысты.

Халықаралық ғылыми-практикалық NEO конференция аясында Қоғамдық-гуманитарлық бағыттар бойынша пленарлық отырыстар өткізіліп, маңызды ғылыми тақырыптар: «Ж.А.Ташеневтің тарихи тағылымдарын зерттеу – ұрпақ санасына рухани азық бағыты», «Заманауи білім беру тәжірибесіндегі перспективалық технологиялар мен әдістер бағыты», «Қазіргі ғылымның жаһандануы және интернационализациясы бағыты», «Жаһандық сын-қатерлер контекстіндегі қоғамның, экономиканың және құқықтың өзекті мәселелері» тақырыптары кеңінен талқыланды.

Пленарлық отырыста «Жаратылыстану ғылымдары саласындағы заманауи теориялық және әдіснамалық зерттеулер бағыты», «Тұрақты даму: ветеринария, ауыл шаруашылығы, аграрлық техника және экология бағыты», «Білім беру форсайт саласындағы халықаралық тәжірибе бағыты» тақырыптарында арнайы баяндамалар тыңдалып, кеңінен талқыға түсті.