«Біз сыбайлас жемқорлыққа қарсымыз!» ашық тәрбие сағат

Жұмабек Ахметұлы Тәшенев атындағы университеті, «Мектепке  дейінгі оқыту және психология» кафедраның аға оқытушысы Б.А.Аяпова ПИК 24-6к тобында 16.10.2024ж. күні «Біз сыбайлас жемқорлыққа қарсымыз!» тақырыбында ашық тәрбие сағатын өткізді.
        Мақсаты: «Сыбайлас-жемқорлық» деген ұғымды түсіндіріп, пайда болу    жағдайлары жайлы түсінік  қалыптастыру.Өз көзқарастарын білдіріп, дүниетанымдарын кеңейту. Өз ойларын еркін жеткізе білу қабілеттерін дамыту.Өз мемлекетіне жауапкершілікпен қарау және әділдікке тәрбиелеу. Патриоттық тәрбие қалыптасады. Бүгінгі біздің ашық тәрбие сағатымыздың мақсаты студенттерді адал жолмен жүруге, адалдыққа үйрету. Сыбайлас жемқорлық туралы қысқаша мағұлматтар беру. Өз мемлекетіне жауапкершілікпен қарау және әділдікке тәрбиелеу. 
        Міндеттері: Сыбайлас жемқорлыққа кез келген адам, шенеунік, депутат, судья, құқық қорғау органының қызметкері, әкімші, емтихан алушы, дәрігер және т.б. болуы мүмкін. Сыбайлас жемқорлықтың негізгі ынталандырушысы — билікті пайдалануға байланысты экономикалық пайда алу мүмкіндігі, ал басты тежеуші фактор - әшкерелену және жазалау қаупі.

    Қорытынды: Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын әлемдегі барлық елдердің қай-қайсысын да қатты алаңдататыны анық.Сыбайлас жемқорлық – бұл ғаламдық мәселе, одан әлемнің бірде-бір мемлекеті, бірде-бір саяси жүйе, бірде-бір саяси тәртіп қорғалған емес. Сондықтан, бұл індетке бірлесе қарсы тұруымыз керек.