Теңге-мемлекет келбеті

Шымкент қаласы А.С.Пушкин атындағы әмбебап кітапханасында «Ұлттық валюта» күніне орай «Теңге-мемлекет келбеті» тақырыбында іс-шара өтті. Мерекелік жиынға «Экономика және құқық» кафедрасының аға оқытушысы, э.магистрі С.Аширбаеваның бастамасымен университетіміздің Экономика бағытындағы білім алушылары да қатысты. 
Мұнда студенттер Ұлттық валютамыздың 29 жылдағы даму кезеңдері, айналымға шыққан сирек кездесетін монеталық түрлерімен танысты. Жиынға қатысушыларға университетіміздің IT және экономика факультетінің студенттері мерекеге орай дайындаған баяндамаларын ұсынды. Соңы сұрақ-жауапқа ұласып, қатысушылар теңгемізге қатысты білімін одан әрі ұштай түсті.