Жүлдегерлер –біздің мақтанышымыз!

Университетіміздің «Педагогика және филология» факультетінің студенттері «Мемлекеттік тіл – тәуелсіздік символы» атты қалалық байқауға қатысып қайтты. Мемлекеттік тілді еркін меңгерген этнос жастары арасындағы байқау Әл-Фараби атындағы ғылыми-әмбебап кітапханасының мәжіліс залында өтті.
Байқау қорытындысында «Педагогика және психология» кафедрасы «Бастауышта оқыту педагогикасы мен әдістемесі» мамандығы бойынша білім алып жүрген Мадина Бабаева, «Филология» кафедрасы «Қазақ тілі мен әдебиеті» мамандығының студенті Манзура Ақбаева және «Өзбек тілі мен әдебиеті» мамандығының білім алушысы Гулчехра Аширматова жүлделі орындарға ие болды. Факультет деканы Шынар Ергешбаева байқау жеңімпаздарын марапаттады.