Университеттің жұмыс берушілермен өзара іс-қимылы:дуалды оқыту технологияларын жүзеге асыру жолдары

Жұмыс берушілермен өзара ынтымақтастықты нығайту және білім беру бағдарламаларының қазіргі еңбек нарығы талаптарына сәйкестігін қамтамасыз ету мақсатында университетте жұмыс берушілердің өкілдерімен тұрақты түрде кездесулер өткізіліп, дөңгелек үстелдер мен жұмыс кеңестері ұйымдастырылады. Аталған іс-шаралар барысында жұмыс берушілермен университеттің білім беру бағдарламаларының жүзеге асырылу сапасы, студенттерді даярлау нәтижелері, бағдарламалардың даму перспективалары және олардың әлеуметтік-экономикалық жағдайлар мен еңбек нарығының өзгермелі талаптарына сәйкестігі туралы мәселелер талқыланады.

Бұл кездесулер әлеуметтік серіктестікті дамытуға, білім беру бағдарламаларының мазмұнын жетілдіруге, сондай-ақ оқу үдерісінің практикалық бағыттылығын арттыруға ықпал етеді. Ерекше назар студенттердің кәсіби практикадан өтуін ұйымдастыру, кәсіби құзыреттерін қалыптастыру және түлектердің бәсекеге қабілеттілігін арттыру мәселелеріне бөлінеді.

Осы орайда, 2025 жылғы 15 наурызда университетте практика базаларының:  Айбек атындағы №14 жалпы білім беретін орта мектеп, Хамза атындағы №42 жалпы білім беретін орта мектеп, Ю. Сареми атындағы №107 мектеп-лицейі, Мукими атындағы №13 жалпы білім беретін орта мектеп өкілдерімен кезекті кездесу өтті. Кездесу барысында студенттердің даярлық деңгейі, практиканы ұйымдастыру шарттары, сондай-ақ білім беру үдерісін одан әрі жетілдіруге бағытталған жұмыс берушілердің ұсыныстары талқыланды.

Аталған ұйымдармен ынтымақтастық студенттерге практикалық бағыттағы сапалы білім беруге, жұмыс берушілердің талаптарын ескеруге және болашақ мамандарды даярлау сапасын арттыруға мүмкіндік береді.