“Өнер және көркем еңбек”

Кафедрасы

Басты бет / Кафедралар / Өнер және көркем еңбек

Біз туралы

Ашық сабақтар, соңғы іс-шаралар

Кафедраның қысқаша тарихы:

«Дизайн» кафедрасы 1998 жылы Оңтүстік Қазақстан облысы, Жетісай ауданы, Жетісай қаласында ашылған «Сырдария» университетінің құрамында құрылды. Кафедраның алғашқы меңгерушісі – Қазақстан Республикасының мәдениет қайраткері Бөрі Иса болды.

«Бейнелеу өнері және дизайн» мамандығы 2000 жылы ашылды. Кафедраны сол кезде Қазақстан суретшілер одағының мүшесі Жеңіс Қалмұратов басқарды.

2005 жылы «Бейнелеу өнері және сызу» кафедрасы қайта құрылып, «Бейнелеу өнері және дизайн» кафедрасы болып өзгертілді. Кафедра меңгерушісі философия ғылымдарының кандидаты, доцент Даулетхан Болысбаев болды.

2008–2022 жылдар аралығында кафедра қайта құрылып, «Өнер және дизайн» кафедрасы болып аталды. Бұл кезеңде кафедра «Бейнелеу өнері және дизайн» мен «Музыкалық білім» кафедраларының бірігуі негізінде құрылған және мұнда музыка мен көркем еңбек пәні мұғалімдері мен дизайн мамандары даярланды. Кафедраны педагогика ғылымдарының кандидаттары – Гүлнар Есенқызы Қожагұлова мен Улданай Әлібекқызы Сапарбаева басқарды. 2022 жылы Сырдария университетінің Шымкент қаласына көшуіне байланысты университетке Ж.А. Ташеновтің есімі берілді. «Өнер және дизайн» кафедрасын магистр, аға оқытушы Ирина Степановна Ким басқарды. 2023 оқу жылынан бастап кафедра «Өнер және музыка» деп аталды, ал кафедра меңгерушісі болып педагогика ғылымдарының кандидаты, доцент Балжан Сейдраманқызы Тлеубаева тағайындалды.

2023–2024 оқу жылында кафедраның профессорлық-оқытушылық құрамы 31 адамнан тұрды:

· 1 профессор

· 6 ғылым кандидаттары мен доценттер

· 2 философия докторлары (PhD)

· 2 ҚР мәдениет қайраткері

· 12 ғылым магистрі, аға оқытушылар

· 11 ғылым магистрі, оқытушылар

Кафедраның профессорлық-оқытушылық құрамы білім беру бағдарламаларына толық сәйкес келеді.

2024–2025 оқу жылынан бастап университет акционерлік қоғам болып қайта құрылуына байланысты университеттің құрылымында өзгерістер болды. Соған сәйкес кафедра екіге бөлінді: «Музыка және ән» және «Дизайн» кафедралары. «Дизайн» кафедрасын Балжан Сейдраманқызы Тлеубаева басқарды.

2025–2026 оқу жылынан бастап университет құрылымының өзгеруіне байланысты кафедра "Өнер және көркем еңбек" кафедрасы болып қайта құрылды. Бұл кафедра музыка және көркем еңбек пәндерінің мұғалімдерін даярлауға бағытталған. Кафедра меңгерушісі – педагогика ғылымдарының кандидаты Қарсыбаев Бастарбек Тохтарұлы.

"Өнер және көркем еңбек" кафедрасының барлық аудиториялары қажетті әдістемелік оқулықтармен, көрнекі құралдармен, аспаптармен және жиһаздармен жабдықталған.

Жаңа оқу жылында кафедраның профессор-оқытушылар құрамы – 21 адамды құрайды.
Құрамы:

· профессор – 1

· ғылым кандидаттары, доценттер – 3

· PhD докторлар – 1

· ҚР мәдениет қайраткерлері – 4

· ғылым магистрлері, аға оқытушылар – 8

· ғылым магистрлері, оқытушылар – 4

Кафедра оқытушыларының базалық білімі білім беру бағдарламаларына сәйкес келеді.

Профессор-оқытушылар құрамы және ғылыми-әдістемелік жұмыс

Кафедра ұжымы жалпы өнертану, көркем еңбек салаларында ғылыми-зерттеу және әдістемелік жұмыстар жүргізеді. Сонымен қатар, студенттердің ғылыми жұмыстарын да қадағалайды.

Кафедраның ПОҚ тізімі:

1. Қарсыбаев Бастарбек Тоқтарұлы

2. Қонақбаева Ұлжамал Жәндәрәліевна

3. Тәжіғұлова Әлмира Ызбасарқызы

4. Алшымбаева Сәуле Нағашбековна

5. Қалабаева Қызбала Райымбекқызы

6. Елшенов Мұхаметкәрім

7. Шналиев Мұхтар Әбдіманапұлы

8. Айтуарова Нәзерке Аблаевна

9. Сауытов Ерман Биболатұлы

10.Бакирова Гүлжайна Әбілпатшақызы

11.Туманова Гүлзада Асқаровна

12.Мәжітов Ұлықбек Халматұлы

13.Қайнарбаева Айгүл Қалмаханқызы

14.Мәшир Перизат Ілесқызы

15.Байғұнова Динара Мәдіханқызы

16.Ескенеев Фархат Әулбекұлы

17.Мейірбеков Берікбай Бекматұлы

18.Естемесова Сәуле

19.Исаев Бөрі Иса

20.Дәуренбеков Ерлан Нұрғалиұлы

21.Хашимханова Диана Равильевна

Кафедра ұжымы кредиттік технологияға (силлабус) негізделген бірнеше оқулықтар, оқу-әдістемелік құралдар, оқу-әдістемелік кешендер, пәндердің әдістемелік нұсқаулықтары, дәрістер жинақтары, студенттердің өздік жұмыстарына арналған мәтіндер және электронды оқулықтар әзірлеген.

"Өнер және көркем еңбек" кафедрасының ұжымы білім беру, ғылым және мәдениет салаларында жұмыс істей алатын білікті мамандарды даярлайды. Кафедра оқытушылары шығармашылықпен айналысып, республикалық, халықаралық, облыстық деңгейдегі фестивальдардың жүлдегерлері болып табылады. Сондай-ақ, факультет, университет және қала көлемінде өткізілетін барлық іс-шараларға белсенді қатысады.

Білім беру бағдарламалары

Бейіндік бағыттар:

· 6В01403 – Көркем еңбек және сызу пәні мұғалімдерін даярлау

· 6В01406 – Көркемдік білім беру

· 6В01407 – Еңбекке баулу және кәсіпкерліктің негіздері

Бағдарламалар студенттердің жан-жақты дамыған тұлға болып қалыптасуын, бейнелеу өнері, көркемдік білім беру, көркем еңбек және сызу салаларында жүйелі білім беру мақсатында құрастырылған. Біз Қазақстанда және шетелде сұранысқа ие жаңа буынның жоғары білікті, әлеуметтік жауапкершілігі жоғары мамандарын даярлаймыз.

Негізгі мақсат: болашақ маманға қазіргі заманғы ғылыми деңгейде балаларға білім беру саласында іргелі білім беру, бейнелеу өнері, көркемдік білім, көркем еңбек пен сызу пәндерінен педагогикалық үдерісті ұйымдастыру, көркем-эстетикалық бағытта оқыту.

Оқу салалары:

· Жалпы білім беру ұйымдарында, техникалық және кәсіптік білім беру ұйымдарында, балаларға қосымша білім беру ұйымдарында сабақ жүргізу

· Сыныптан тыс жұмыстарда бейнелеу өнері, көркемдік білім беру, көркем еңбек және сызу пәндері бойынша тәрбиелеу мен оқытудың әртүрлі әдістері мен формаларын таңдау және қолдану

· Оқу процесінде инновациялық педагогикалық технологияларды қолдану

· Педагогикалық эксперименттер өткізу және нәтижелерін оқу процесіне енгізу

· Бейнелеу өнері, көркем еңбек және сызу пәндерінің мазмұнын әр түрлі оқу кезеңдеріне жоспарлау

Кафедраның бағыттары:

· 6В01403 – Көркем еңбек және сызу пәні мұғалімдерін даярлау

· 6В01406 – Көркемдік білім беру

· 6В01407 – Еңбекке баулу және кәсіпкерлік негіздері

Құжаттар: лицензия
ҰБТ пәндері: Қазақстан тарихы, қазақ тілі, орыс тілі, шығармашылық емтихандар
Оқу мерзімі: 4 жыл
Оқу формасы: күндізгі
Дайындық курстары: «Көркем еңбек және сызу», «Сурет»

6В01403 және 6В01406 мамандықтары бойынша:

Түлектер көркем еңбек пен арнайы пәндер бойынша оқу процесін ұйымдастыра алады, білім берудің жаңа технологияларын қолдана алады.

Қызмет ету салалары:

· Көркем еңбек пәнінің мұғалімі

· Технология пәнінің мұғалімі

· Қосымша білім беру педагогы

· Үйірме жетекшісі

Кафедра келесі білім беру бағдарламалары бойынша да мамандар даярлайды:

· 6В02121 – «Эстрадалық вокал»

· 6В01408 – «Музыкалық білім беру»

· 6В01402 – «Музыка пәні мұғалімдерін даярлау»

6В01402 «Музыка пәні мұғалімдерін даярлау»

Бұл жоғары білім беру бағдарламасы оқушылардың музыкалық мәдениетін қалыптастыру, музыка мұғалімдерін даярлау мақсатында құрылған. Қазақстан мен шетелдегі еңбек нарығында сұранысқа ие, әлеуметтік жауапты, бәсекеге қабілетті мамандарды дайындайды.

Оқушылардың музыкалық сауатын арттыру, көптілді ортада музыкалық білім беру, функционалдық сауаттылықты қалыптастыру – басты басымдықтардың бірі.

Мамандық түлектерінің қызмет салалары:

· Вокал пәнінің оқытушысы

· Сольфеджио пәнінің мұғалімі

· Музыкалық аспаптарда ойнау пәнінің оқытушысы

· Хормейстер (хор дирижері)

· Мүгедек балаларға арналған вокал пәнінің оқытушысы

· Концертмейстер

6В02112 – "Эстрадалық вокал"

Білім беру бағдарламасының мақсаты: қазіргі заманғы шығармашылық, пәндік және кәсіпкерлік құзыреттерге ие, эстрадалық вокал өнерінде сапалы контент жасап, қоғам сұранысына сай музыкалық-шығармашылық үдерістерді ұйымдастыра алатын кәсіби орындаушыларды дайындау.

Түлектер келесі салаларда жұмыс істей алады:

· Мектеп мұғалімі

· Балалар музыка мектебінің оқытушысы

· Қосымша білім беру педагогы

· Клуб үйірмесінің жетекшісі

· Орта арнаулы оқу орындарының оқытушысы

· Мәдениет және өнер саласындағы оқу орындарының оқытушысы

Салаға бейімделген жоғары оқу орындарының оқытушысы

Кафедра меңгерушісі

Қарсыбаев Бастарбек Токтарович

факультет деканы, педагогика ғылымдарының кандидаты

Телефон: +7 701 327 8937

E-mail: f-ped@tashenev.edu.kz

Материалдық-техникалық базасы