“"Тарих және география" кафедрасы”

«Тарих және география» кафедрасы - университетіміздегі алғашқы кафедралардың бірі. Ол білім беру бағдарламалары бойынша мамандар дайындайды: «Тарих», «География», «География-Тарих». Біздің түлектеріміз білім саласында сұранысқа ие құзыретті тарихшылар мен географтарға айналады.
Отандық және шетелдік тарих кафедрасында студенттерге сапалы білім мен тәрбие беру үшін барлық жағдайлар жасалған. Ақпаратты іздеу мен өңдеу кезінде білімді қалыптастыруға ықпал ететін «Өркенет» үйірмесі бар: мұнда олар өткен мен қазіргі уақыттың байланысын орнатуға, ғылыми-зерттеу жұмыстарын жүргізуге, оқушылардың ойлау және коммуникативті қабілеттерін дамытуға үйретеді.
Біз практикалық дағдыларға үлкен мән береміз. 2004 жылдан бастап кафедра студенттері мен оқытушылары Халықаралық «Археолог» ғылыми-зерттеу орталығымен бірлесіп, Мақтаарал аймағында орналасқан бұрын зерттелмеген ортағасырлық Ұтырлы (Үтіртөбе) қаласында археологиялық қазба жұмыстарын жүргізуде. Олар сонымен бірге Күлтөбе елді мекендері мен Ұтырлы қаласының тарихи зерттеулеріне қатысады. Кафедра мамандықтарының студенттері Республикалық студенттік пәндік олимпиадаларға қатысып өз бәсекелестерінің арасында үздік орындарды иеленіп келеді.
Оқытушылар құрамы мен студенттер жүргізген ғылыми-зерттеу жұмыстары ғылыми конференциялардағы баяндамаларда көрініс табады және көптеген ғылыми басылымдарда жарияланады.
Академиялық ұтқырлық бағдарламасы бойынша кафедраның профессорлық-оқытушылық құрамы серіктес оқу орындарында - Тәжік педагогикалық институтында және М.К.Барскани атындағы Қырғызстанның Шығыс университетінде дәрістер оқиды. «Сырдария» университеті Германия, Египет, Испания, Өзбекстан, Қырғызстан және басқа елдердің шетелдік ғалымдарын тәжірибе алмасу және отандық және шетелдік тарих кафедрасының студенттеріне сабақ өткізу үшін белсенді түрде тартады.
6В01601-Тарих мұғалімдерін даярлау білім беру бағдарламасында оқитын студенттерге тағылымды тәрбие, сапалы білім алуына барлық жағдайлар жасалған. 
Университеттің заманауи талапқа сай кітапханасында тарих пәндеріне арналған оқулықтар жеткілікті. 
Университеттің орталық оқу залы, мерзімдік басылымдар және электронды оқулықтар залдары студенттердің шығармашылық шабытын, оқуға деген қызығушылығын оятып, олардың терең білім алуларына қолайлы мүмкіндіктер туғызады. 
Кафедрада студенттердің тарих ғылымының өзекті мәселелерімен, өлкетану жұмыстарымен айналысуы үшін «Өркениет» үйірмесі құрылған. Үйірмеге «Тарих» білім беру бағдарламасының 1-4 курс студенттері қатысады. Үйірмеде студенттердің тарих ғылымымен, тарихи зерттеулердің жалпы құрылымымен, жазылу жолдары және ерекшеліктерімен таныстыру, мұрағат қорларымен жұмыс істеп, табылған түрлі жазбаша тарихи деректерді өзінің ғылыми жұмысына орынды, дұрыс пайдалану сияқты ғылыми дағдылар мен шеберліктерге үйретеді.
«Тарих» білім беру бағдарламасын бітірген түлектеріміздің еліміздің түкпір-түкпірінде әр салада ерен еңбек етіп, ел дамуына елеулі үлес қосып келе жатқанын мақтаныш тұтамыз. Мысалы, Тапиев Бақытжан – Елордасы Астанада Әділет министрлігінде, Жұмабаева Балнұр – Астана қалалық Прокуратурасында қызмет істейді. Қуанышбеков Бекарыс, Мырзантегі Марғұлан, Есенбеков Омар – Мақтаарал аудандық әкімшілігінде қызмет атқарады. Молдахмет  Архат – Астана қаласындағы Ұлттық музейдің ғылыми қызметкері, Ерсариев Алтынбек - ҚР ҒЖБМ ҒК Ә.Х. Марғұлан атындағы Археология институты, Ерте темір дәуірі археологиясы бөлімінің ғылыми қызметкері, Әміре Жақсыбай - Жетісай аудандық ТҮКШ бөлімінің жол секторының меңгерушісі қызметінде. Қазіргі таңда кафедрамыздың түлегі Шынтаев Нұрмахан – тарих мамандығы бойынша Л.Н.Гумилев атындағы Еуразия ұлттық университетінде докторантурада  білімін шыңдауда.
Түлектеріміздің дені білім беру саласында абыройлы еңбек етіп келе жатыр. Олардың ішінде білім беру мекемелерін басқарып отырғандары да бар. Мысалы, Бекзатов Баянқұл – Ә.Жангелдин атындағы, Әбдіғали Дәуренбек – Қ.Аманжолов атындағы, Дехқанов Г. - Тұрсын Зада атындағы, Таленов Ербол – Қазыбек би атындағы жалпы орта мектептің директорлары болып қызмет атқарады.