Кәсіби педагогикалық іс-тәжірибе

Көктемгі академиялық жоспарға сәйкес “Бастауыш білім және өнер”факултетінің «Педагогика және бастауышты оқытудың әдістемесі»кафедрасының «Бастауышта оқыту педагогикасы мен әдістемесі»,  «Педагогика және психология»«Мектепке дейінгі тәрбие және оқыту» білім беру бағдарламаларының 3 курс студенттері Шымкент қаласының жалпы орта мектептеріне жолдама алып, кәсіби педагогикалық іс-тәжірибеден өтуде.
Практиканың 3 аптасында яғни, 14 ақпан күні ПИК-21-5к2 тобының студенті Закри Арай 52 мектеп лицейінде  3 ”А” сынып оқушыларына Математика пәнінен - “Разрядтан аттамай үш таңбалы санды бір таңбалы санға жазбаша бөлу”тақырыпта ашық сабақ өтсе, 
15 ақпан күні 4"Е" сыныбына ПИК 21-5к2 тобының студенті Анвар Захро  "Кітап- сарқылмас рухани қазына!" атты ашық тәрбие сабағын өткізді.  28 жалпы орта мектеп 3 “Б”сынып оқушыларына  ПИК-21-5к2 тобының студенті Ташкентбай Айнур математика пәнінен ашық тәрбие сабағын жоғары деңгейде өткізді. 
Студенттеріміз практика барысында білікті тәлімгерлерден сабақ беруде қолданатын түрлі әдістерді, интерактивті тақтамен жұмыс жасау, балалар мен қалай жұмыс жасау дағдыларын үйреніп, іс жүзінде жүзеге асыруда.
Кәсіби дағдыларын дамытудағы мектеп ұстаздарынан тәжірибе арттыру, студент білімін шыңдауда ықпалы зор. Білім алушылардың кәсіби құзыреттіліктерін дамытуда үлестерін қосып жатқан жалпы орта мектеп мекемелерінің ұстаздарына білім алушылар мен ұжым атынан алғысымызды білдіреміз.