«Цифрлық схемотехника» пәнінен ашық сабақ өтті

Оқытушы: Кенжебаева Улжан
Тақырыбы: Триггерлер. Асинхронды RS-триггерлер тікелей және инверстік кірістермен

2024 жылғы 7 наурыз күні аға оқытушы Кенжебаева Улжан ИЭФ-22-9р тобына «Цифрлық схемотехника» пәні бойынша «Триггерлер. Асинхронды RS-триггерлер тікелей және инверстік кірістермен» тақырыбында ашық сабақ өткізді. Аталған сабақтың мақсаты – студенттердің триггерлердің құрылымы мен жұмыс принциптерін түсіну, асинхронды RS-триггерлерді талдау және қолдану дағдыларын қалыптастыру болды.

Сабақ барысында оқытушы триггерлердің негізгі түрлері, олардың жұмыс істеу принциптері, асинхронды RS-триггерлердің тікелей және инверстік кірістермен жұмысын жүйелі түрде түсіндірді. Студенттер практикалық тапсырмалар арқылы триггерлерді құру, олардың мінез-құлқын бақылау және қолдану әдістерін меңгерді. Теориялық материал тәжірибелік элементтермен ұштастырылып, студенттердің кәсіби құзыреттілігін арттыруға бағытталды.

Ашық сабақ оқу үдерісінің талаптарына сәйкес жоғары ұйымдастырушылық және әдістемелік деңгейде өткізілді. Студенттер белсенділік танытып, берілген тапсырмаларды орындау барысында өз білімдері мен дағдыларын көрсетті. Сабақтың мазмұны мен құрылымы қойылған мақсаттарға толық сәйкес келіп, білім алушылардың пәнге деген қызығушылығын арттыруға және кәсіби даярлығын нығайтуға ықпал етті.