Ж.А. Тәшенев университетінде психологиялық-педагогикалық практиканың алдындағы бағдарлау конференциясы өтті

Ж.А. Тәшенев университетінде психологиялық-педагогикалық практиканың алдындағы бағдарлау конференциясы өтті

2026 жылдың 28 қаңтарында «Әлем тілдері» институтының 2-3 курс білім алушыларына арналған психологиялық-педагогикалық практиканың басталуына орай бағдарлау (установочная) конференциясы ұйымдастырылды.

Практика ҚР Ғылым және жоғары білім министрлігінің №595 бұйрығымен бекітілген «Үлгілік қағидаларға» және университетте бекітілген Академиялық саясат пен оқу күнтізбесіне сәйкес өткізіледі.

Негізгі ақпарат:

Мерзімі: 02.02.2026 – 13.02.2026 жж.

Қатысушылар: Келесі білім беру бағдарламаларының 2, 3-курс студенттері:

6В01701 – «Қазақ тілі мен әдебиеті мұғалімдерін даярлау»;

6В01704 – «Өзбек тілі мен әдебиеті мұғалімдерін даярлау»;

6В01708 – «Орыс және орыс емес тілдерде оқытатын мектептердегі орыс тілі мен әдебиеті (IP)».

Конференция барысы:

Жиын барысында студенттерге практиканың мақсаты мен міндеттері түсіндірілді. Психологиялық-педагогикалық практиканың болашақ мұғалімдер үшін маңызы зор, себебі бұл кезеңде білім алушылар:

Мектептегі оқу-тәрбие үрдісін іштен бақылайды;

Оқушылардың жас ерекшелік психологиясын зерттейді;

Алған теориялық білімдерін практикалық іс-әрекетпен ұштастыруды үйренеді.

Маңызды: Конференция соңында студенттерге күнделік-есептерді толтыру тәртібі, мектептегі ішкі тәртіп ережелері мен техникалық қауіпсіздік шаралары бойынша нұсқаулықтар берілді.

Ж.А. Тәшенев атындағы университет ұжымы барлық студенттерге сәттілік тілейді! Болашақ педагогтардың мектеп қабырғасындағы алғашқы кәсіби қадамдары жемісті болсын.