JASTAR QURYLTAYI — ЖАҢА СТУДЕНТТІК КӨШБАСШЫЛАР ҚҰРАМЫ

Tashenev University-де студенттердің бастамаларын қолдауға, жастар арасындағы көшбасшылық мәдениетті қалыптастыруға және университет пен студенттік орта арасындағы өзара байланысты нығайтуға бағытталған JASTAR QURYLTAYI атты жаңа басқару моделі ресми түрде құрылды.

Бұл модель — студенттердің үнін естуге, олардың ұсыныстарын жүзеге асыруға және жастарға қатысты шешімдерді бірге қабылдауға арналған ашық алаң. Jastar Quryltaiy университет жастарының белсенділігін арттырып, факультеттер арасындағы байланыстарды күшейтетін маңызды құрылым болмақ.

ҚҰРАМ:

СТУДЕНТТІК РЕКТОР — Даур Амина Қайратқызы

Студенттер қауымының бас өкілі. Университет деңгейіндегі студенттік мәселелер мен жобаларды үйлестіріп, жастар атынан ұсыныстар енгізеді және барлық бағытты стратегиялық түрде басқарады.

СТУДЕНТТІК ПРОРЕКТОР — Абдигапбарова Мерей Мұхамеджанқызы

Факультеттер арасындағы бірлескен жұмысты ұйымдастырып, студенттік бастамалардың жүзеге асуын бақылап, іс-шаралардың сапалы өтуіне жауап береді.

СТУДЕНТТІК ДИРЕКТОР — Тулеген Назерке Нұрлыбекқызы

Студенттік кеңсенің ішкі жұмысы, коммуникация, контент және ұйымішілік ақпарат алмасу процестерін жүйелейді.

СТУДЕНТТІК ДЕКАНДАР:

Иса Мұхаммед — Педагогика және гуманитарлық білім факультеті

— Факультет студенттерінің мүддесін қорғайды, ұсыныстарын жеткізеді.

Рашитова Әдемі — Мәдениет және спорт факультеті

— Шығармашылық пен спорт бастамаларын дамытуға жетекшілік етеді.

Мирсагатов Мырсултан — Экономика және құқық факультеті

— Студенттердің академиялық және әлеуметтік мәселелерімен жұмыс жүргізеді.

Базарбай Айнұр — IT және жаратылыстану факультеті

— Ғылыми, техникалық жобалар мен инновациялық идеяларды қолдайды.

“ЖАСТАР РУХЫ” ЖЕТЕКШІСІ — Керимбай Гүлмарал

Университет жастарының патриоттық, әлеуметтік және еріктілік бағыттағы жобаларын дамытуға бағытталған жетекші фигура.

Jastar Quryltaiy — жастар арасындағы жаңа идеялар мен бастамалардың іске асуына мүмкіндік беретін орта.

Жаңа құрамға толағай табыс тілейміз! Университетіміздің студенттік ортасы енді одан да белсенді, жаңашыл және ашық болмақ.