Педагогикалық практиканың қорытынды конференциясы

13.11.2025ж. күні «Математика және физика» кафедрасында педагогикалық практиканың қорытынды конференциясы өткізілді.

Конференцияның мақсаты – базалық және бейіндік пәндерді оқу процесінде алған теориялық білімді бекіту және тереңдету, сондай-ақ білім алушылардың кәсіби қызметке дайындығын қалыптастыру.

Академиялық күнтізбе сәйкес 2025 жылдың 08 қыркүйектен – 31 қазанына дейін 4 жылдық 6В01501-«Математика мұғалімдерін даярлау», 6В01502-«Физика мұғалімдерін даярлау», 6В01503-«Информатика мұғалімдерін даярлау» білім беру бағдарламаларының білім алушылары Шымкент қаласындағы Ахмет Байтұрсынов атындағы №50 мектеп гимназиясы,  TOO «Shahaman» зияткерлік мектебі, «Al Farabi Bilim» атындағы  ЖОМ,  №135 ЖОМ, Түркістан облысы  Сайрам ауданы «№96 ЖББМ», Түркістан облысы  Сайрам ауданы «Кемел Тоқаев» атындағы ЖМ,  Түркістан облысы Сайрам ауданы  №13 А. Навои атындағы  ЖББМ, Түркістан облысы Сайрам ауданы Қарабұлақ ауылы «Жамбыл» атындағы ЖОМ, Түркістан облысы Сайрам ауданы  №76 ЖОМ, Түркістан облысы Сайрам ауданы Қарабұлақ ауылы №63 Қ.Сатбаев атындағы ЖОМ, Түркістан облысы Қазығұрт ауданы  «Елшібек батыр мектеп-лицейі» КММ, Түркістан облысы Жетісай ауданы Бәйтерек ауылы №49 «Сырдария» ЖББМ, Түркістан облысы Сарыағаш ауданы Шымырбай ауылы №41 А.Асанов атындағы  ЖОМ,  Түркістан облысы Арыс қаласы Монтайтас ауылы Б. Онтаев атындағы КММ, Түркістан облысы Қазығұрт ауданы Тураб Тула атындағы ЖОМ, Түркістан облысы Келес ауданы Бірлік ауылы  №57 Ә. Жанкелдин  ЖОМ, Түркістан облысы Байдібек ауданы Т.Қазақбаев атындағы  ЖОМ, педагогикалық практикадан өтті.

Қорытынды конференция кафедра меңгерушісі С.А. Жолдасовтың басшылығымен ұйымдастырылып өткізілді.

Практика жетекшілері Т.Д. Бердалиева, А.С. Арысбаева, Б. Темирбеков және 4-курс білім алушыларының есептері мен пікірлері тыңдалып тиісті баллдары Platonus автоматтандырылған ақпараттық жүйесіне қойылды.

Білім алушылар ұйымдастырылған ашық сабақтарын, тәрбие шараларын өткізу, мәдени іс-шаралар және басқа да іс-әрекет түрлері бойынша есептерін ұсынды.

Оқушылардың негізгі дағдыларын дамытуға бағытталған іс-тәжірибелерін көрсетті, оқушылардың негізгі дағдыларын дамытуға арналған дидактикалық материалдар әзірледі,  оқытуда жасанды интеллект пен виртуалды шындық көзілдіріктерін қолданудың мүмкіндіктерін көрсетті. Практика барысында университеттен тағайындалған педагог әдіскер, психологиялық әдіскер, практика жетекшілері және мектептен тағайындалған мұғалімдерден білім алушылар өздерінің кәсіби біліктіліктерін шыңдап, үлкен өмірдегі өз мамандығының жауаптылығын сезініп, шеберлік сыныбы, семинар-практикум сияқты іс-шараларға қатысып, тәжірибе жинақтады.

Педагогикалық практика – білім алушылардың таңдаған білім беру бағдарламасы бойынша алған теориялық білімдерін қолдану, практика жағдайында жұмыс істеу дағдыларын дамыту.