Оқу практикасы аясында Жұмабек Тәшенев атындағы университет Экономика және құқық факультетінің 1-курс студенттері KMF ұйымына барды.

Экскурсия барысында студенттер компания қызметімен, қаржы секторының ерекшеліктерімен, банктік және микроқаржылық қызметтердің негізгі бағыттарымен танысты. Сонымен қатар, мамандар өздерінің тәжірибелерімен бөлісіп, қаржы саласындағы кәсіби даму мүмкіндіктері туралы ақпарат берді.

Мұндай іс-шаралар теориялық білім мен тәжірибенің өзара байланысын нығайтып, студенттердің болашақ мамандықтарының қыр-сырын тереңірек түсінуіне мүмкіндік береді.

KMF ұйымының басшылығы мен қызметкерлеріне жылы қабылдауы мен мазмұнды кездесуі үшін алғысымызды білдіреміз!