Open lesson

ЖҰМАБЕК АХМЕТҰЛЫ ТӘШЕНЕВ АТЫНДАҒЫ УНИВЕРСИТЕТ ЖШС

«Педагогикалық және жаратылыстану ғылымдары» факультеті

«Тарих және география» кафедрасы

2024 жылғы 27 наурыз күні сағат 11:30-да ғылым магистрі, аға оқытушы Шынтаев Н.А. «6В01601 – Тарих мұғалімдерін даярлау» білім беру бағдарламасының ЕП-22-2к тобына «Қазақстан жаңа заман тарихы» пәнінен «Исатай Тайманұлы мен Махамбет Өтемісұлы бастаған ұлт-азаттық көтеріліс» тақырыбында практика форматындағы ашық сабақ өткізді.

Сабақтың мақсаты – ХІХ ғасырдың бірінші жартысындағы Бөкей Ордасындағы ұлт-азаттық қозғалыстың тарихи алғышарттарын, себеп-салдарын, барысы мен маңызын талдау, білім алушылардың дерекпен жұмыс істеу және тарихи оқиғаларды сыни тұрғыда бағалау дағдыларын дамыту болды.

Сабақ барысында Исатай Тайманұлы мен Махамбет Өтемісұлы бастаған көтерілістің әлеуметтік-саяси негіздері, тарихи маңызы және қазақ халқының азаттық күресіндегі орны жан-жақты қарастырылды. Студенттер тарихи құжаттар мен қосымша дереккөздерге талдау жасап, топтық жұмыс арқылы көтерілістің кезеңдерін саралады.

Практикалық сабақта интерактивті әдістер, картамен жұмыс, деректерді салыстырмалы талдау және пікірталас элементтері тиімді қолданылды. Білім алушылар тарихи тұлғалардың қызметіне баға беріп, оқиғаның ұлттық тарихтағы рөліне ғылыми тұрғыда тұжырым жасады.

Ашық сабақ жоғары әдістемелік деңгейде ұйымдастырылып, қатысушылар тарапынан оң бағасын алды. Іс-шара болашақ тарих пәні мұғалімдерінің кәсіби құзыреттілігін арттыруға және тарихи санасын қалыптастыруға бағытталған маңызды тәжірибелік алаң болды.