Бүгін түрік Alsera KZ компаниясының өкілдерімен мазмұнды жұмыс кездесуі өтті.

Бүгін түрік Alsera KZ компаниясының өкілдерімен мазмұнды жұмыс кездесуі өтті. Кездесу барысында биология мамандарын даярлау бағытында ынтымақтастық орнату мәселелері талқыланып, студенттерімізді компанияның өндірістік алаңдарында ақылы өндірістік практикадан өткізу туралы алдын ала келісімге келдік.

Ерекше атап өтетін жайт – өндірістік практиканың ақысы университет тарапынан емес, тікелей Alsera KZ компаниясының өзі арқылы төленетін болады.

Сонымен қатар тараптар зерттеулер жүргізу және тәжірибеге бағдарланған оқытуды дамыту мақсатында бірлескен ғылыми зертхана ашу және оны іске қосу мүмкіндіктерін қарастырды.

Alsera KZ компаниясы ірі жылыжай жобасын жүзеге асыруда: жалпы көлемі 600 гектарды құрайтын жылыжай кешенін іске қосу жоспарланған, қазіргі таңда оның 40 гектары пайдалануға берілген. Мұндай әріптестік студенттеріміздің кәсіби даярлығын тереңдетуге, ғылыми-зерттеу қызметін дамытуға және түлектердің еңбек нарығында бәсекеге қабілетті болуына қосымша мүмкіндік береді.