Университеттің 20 жылдық мерейтойы қарсаңында өткізіліп отырған іс-шаралар легі толассыз. Соның бір көрінісі жыл сайын өткізілетін – "Ән және сән шеруі" атты шығармашылық кеш. Бұл дәстүр бүгін де жалғасын тапты.

Бүгін "Сырдария" университетінің белсенді жастары Жетісай қаласындағы жалғыз басты қарттарға қамқорлық көрсетті. "Гуманитарлық білім", "Өнер", "Жаратылыстану және математика" факультетінің студент-жастары жалғыз басты қарт ана Қантөреева Зулфия әжейдің шаңырағына барып, қолғабыс жасады. Үй іші мен ауласын тазалап, ас-суын әзірледі, азық-түлікпен қамтамасыз етті. Игі бастамаға мұрындық болып, іске асырған жастарға қарт әже батасын беріп, алғысын білдірді.

Жастар қоғамның қозғаушы күші және әрбір ортаның дамып жетілуі, өркендеуі осы жастардың ықпалымен іске асады. Ауданның бірегей оқу орнында білім алып, еңбек етіп жүрген жастардың басын қосып отырған "Сырдария" университетінің "Жастар" бөлімі деп атауға толық негіз бар.

"Жастар саясаты" орталығының ұйымдастыруымен бүгін "Қамқор бол!" атты қайырымдылық жәрмеңкесі болып өтті. Студенттер әзірлеген тағамдар мән тәттілер жәрмеңкесіне профессор-оқытушылар да атсалысты.

Жәрмеңкеден түскен қаражат көмекке мұқтаж жандар мен әлеуметтік тұрмысы төмен отбасыларға жұмсалады.

Жастардың игі бастамасы көпшіліктің көңілінен орын алды. Сондықтан бұл шара алдағы уақытта да жалғасатыны анық.

"Сырдария" университетінің 20 жылдық тарихындағы жетістіктері көпшіліккке мәлім. Соның бір айғағы – университет мұражайы. Мұражай 2017 жылы оңтүстік өңірдің турситтік маршрутына енген болатын. Тарихи кезеңдерен дерек беретін нысан бүгінде Жетісай өңірінің ғана емес, шалғайда жатқан аудандардан келушілердің де назарын аударды.

Әйгілі қазақ жазушысы Шерхан Мұртазаның 86 жасында дүние салуы елдің қабырғасын қайыстырды. Осыған байланысты бүгін "Қазақ тілі мен әдебиеті" мамандығының студенттері жазушыны шығарып салу рәсіміне орай қаралы шара өткізді.

Қазан айының 11 жұлдызы 1 курсқа қабылданған студенттер үшін үлкен мереке. Жыл сайын дәстүрлі түрде өтетін бұл шараның ерекшелігі – биылғы оқу жылына қабылданған талапкерлердің іс-шараға белсене қатысуы.

Білім алушыларға арналған мерекелік кештің шымылдығы күймен ашылып, оқу орнының проректорлары мен факультет декандары студенттерді айтулы шарамен құттықтап, сәттілік тіледі.

Қазан айының 9 күні университеттің профессор-оқытушылар құрамы Мемлекет басшысының Жолдауын талқылады. Э.ғ.д., профессор Бегім Серікұлы Жолдаудағы 6 бөлімді талдап, әрқайсысының маңыздылығына тоқталды.

"Жолдаудың бірнеше ерекшелігін айтып өтуге негіз бар. Ұлт көшбасшысы Жолдауды жылдағыдан ерте жариялап, тиісті міндеттер мен өзгерістерді енгізуді ұзаққа созбай, келер жылдың басынан қолға алуды тапсырды", - дей келе елдің әлеуметтік-экономикалық дамуы мен азаматтардың әл-ауқатын жақсарту туралы бастамаларын, прогрессивті дамуға бағытталған реформаларын талқылады.