Қазан айының 8 күні "Құқық және экономика" кафедрасы мен Жетісай аудандық прокуратура өкілдерімен бірлескен таныстыру семинары болып өтті.

Шараның мақсаты – жастар арасындағы құқық бұзушылықтың алдын алу, олардың қылмыстық жағдайға жеткізетін әрекеттер сипатын саналы түрде ұғынуына ықпал ету, елге, қоғамға қызмет ететін патриот жастарды тәрбиелеу.

Қазақстан Республикасының президенті  Нұрсұлтан Назарбаев  5 қазанда Ақордада Қазақстан халқына жыл сайынғы жолдауын жариялады. "Сырдария" университетінің профессор-оқытушылары мен студенттері "Қазақстандықтардың әл-ауқатының өсуі: табыс пен тұрмыс сапасын арттыру" тақырыбындағы Жолдауын тыңдады. Жыл ішіндегі екінші Жолдау еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналды.

Жыл сайын Ұстаздар мерекесін дәстүрлі түрде атап өту үрдіске айналған. "Жаратылыстану және математика" факультетінің бастамасымен "Мың алғыс саған, Ұстазым!" атты мерекелік кеш болып өтті. Университет ректоры, п.ғ.к., доцент С.С. Дайырбеков ұстаздар қауымын айтулы мерекемен құттықтады.

Қазақстан Республикасының Тұңғыш Президенті Н.Ә.Назарбаевтың ел дамуындағы саяси бағытынан, Жолдаулары мен бастамаларынан туындаған ортақ міндеттерді жастар арасында кеңінен насихаттау және қолдау мақсатында "Сырдария" университеті екі күн бойы "Жаңа әлем жастары" атты І Республикалық форумның үлкен алаңына айналды.

Білім берудің сапасын қамтамасыздандыру бойынша тәуелсіз агенттігінің Қазақстанның үздік көпсалалы ЖОО 2018 жылғы ұлттық рейтінгісінде "Сырдария"

Ұстаз – ұлы есім демекші, адамзат баласы үшін қадірлі де, қастерлі тұлға ол – ұстаз. Шәкірттерін шыңдаған ұстаз қашан да бақытты. Ұлы есімді, қадірлі тұлғаны ұлықтау мақсатында "Сырдария" университеті "Өнер" факультетінің жалынды студент жастары "ҰСТАЗ АТЫ – БИІК, ӘРІ МӘҢГІЛІК" атты мерекелік тарту жасады.

Шәкірттер санасына сәуле шашып, шырақ отын маздатқан ұстаздар қауымына жылы лебізі мен тілектерін білдірген "Өнер" триосының орындауында "Ұстазым" әні шырқалды. Муз-18 тобының студенті Иса Алмагүл де ұлы тұлғаға деген ықыласын "Ұстазым" әні арқылы жеткізді.

Қазан айының 2-сі күні кітапхана бөлімі "биология" мамандығы студенттерінің қатысуымен "Ұстаз – ұлы тұлға" атты мерекелік кеш өткізді. Мереке қарсаңында студенттер ұлағатты жандарға арнап, ән салды. Би билеп, өлең жолдарын арнады.

Мамандық студенттері Дәулет пен Салтанаттың орындауында "Ұстазым" әні шырқалып, Тұрманова Әсемнің өз шығармашылығындағы арнау өлеңі оқылды.

Мейірім нұрын төккен ұлағатты ғазиз жандарға лайықты құрмет көрсетіліп, мерекелік тілектер жауған күн болды.

Қыркүйектің 27-і күні ҚР Президенті Н.Назарбаевтың "Болашаққа бағдар: рухани жаңғыру" бағдарламалық мақаласы аясындағы "Жаңа гуманитарлық білім. Қазақ тіліндегі 100 жаңа оқулық" жобасы бойынша "Ұлттық аударма бюросынан" аударылған 18 оқулықты университет студенттері арасында таныстыру, түсіндіру және талқылау мақсатында кітапхана бөлімі мен "Құқық және экономика", "Қазақ тілі мен әдебиеті", "Отан және шетел тарихы", "Педагогика және психология" кафедраларының профессор-оқытушылар құрамы таныстыру семинарын өткізді.

"Сырдария" университеті мен ҚР Ұлттық музейі арасындағы ынтымақтастық жөніндегі Меморандум негізінде ҚР ұлттық музейінің "Халық қазынасы" ғылыми зерттеу институтының бөлім басшысы, PhD доктор Есенов Сырым Ғадылбекұлы 3-21 қыркүйек аралығында тарих мамандығының студенттеріне тағылымы мол тарихтан дәріс оқыды.

Ғалым мұрағаттану және мұражайтану мәселелері бойынша маңызды мағлұматтармен қатар болашақ мамандарға жан-жақты кеңес беріп, жастарды білімді болуға, Отанын, елін, жерін сүюге үндеді.