22 ақпан 2025 жылы «Көрме» орталығында BraveStudy компаниясының ұйымдастыруымен еліміздің жетекші жоғары оқу орындары қатысқан ауқымды кәсіби бағдар беру іс-шарасы өтті. Форумға Қазақстанның түкпір-түкпірінен 100-ден астам университет өкілдері жиналып, студенттер мен мектеп түлектеріне өз оқу бағдарламалары мен мүмкіндіктері туралы ақпарат ұсынды. Қатысушылар еңбек нарығындағы сұранысқа ие мамандықтармен танысып, болашақ мансаптарына дұрыс бағыт-бағдар алу мүмкіндігіне ие болды.

Шымкент қаласы білім басқармасының А.Байтұрсынов атындағы 50 мектеп-гимназиясында “Математика және информатика” кафедрасы 6В01503-Информатика мұғалімдерін даярлау білім беру бағдарламасының ЕП-22-13к тобы білім алушылары 27.01.2025-21.02.2025ж. аралығында педагогикалық практикадан өтті. Практика жетекшісі магистр, аға оқытушы Катбаева Майра Турганбаевна бекітілді. 3 курс ЕП-22-13 к тобының білім алушысы Нематов Зикрилланың  10 Д сыныбындағы “Startup түсінігі”тақырыбындағы ашық сабағы жоғары деңгейде өтілді.

Мектеп және университет: мамандық таңдау – адам өміріндегі маңызды қадам

2025 жылдың 21 ақпан күні Жетісай ауданы Білім бөліміне қарасты №10 «Қайнар»  мектеп-гимназиясының бітіруші сынып оқушыларының арасында  кәсіби бағдар беру мақсатында «Мамандық таңдау – маңызды қадам» атты   сырлы сұхбат, әдеби кеш  және «ХХІ ғасыр және Абай ілімі» деген тақырыпта ашық лекция өтті.

2025 жылдың 21 ақпан күні Жұмабек Ақметұлы Тәшеневтың 110 жылдығына арнап, әйгілі дизайнер-модельер, «Дизайн» кафедрасының аға оқытушысы Байтелиева Жанна Елтановна «Өнер саласындағы білім: инновациялар және стартаптар» тақырыбында семинар өткізді. 
Семинардың негізгі мақсаты - дизайн саласындағы қазіргі заманғы инновациялар мен стартаптарды таныстырып, қатысушыларға дизайн процесіндегі жаңа әдістер мен құралдарды меңгеруіне көмектесу. Семинар барысында инновациялардың, технологиялардың, және креативті шешімдердің бизнес-идеяларға қалай әсер ететіні талқыланады.

21.02.2025 ж. Қарағанды қаласында Қазақстан Республикасының Сыбайлас жемқорлыққа қарсы іс қимыл агенттігі департаментің ұйымдастыруымен жоғары оқу орындарының оқытушылары үшін сыбайлас жемқорлыққа қарсы білім беру бойынша республикалық семинар өтті.

Қатысқан: «Құқық және бизнес» кафедрасының аға оқытушы Уйсынбаева Клара Молдагалиевна

Университет ректоры Қанат Байболовтың төрағалығымен кадрлар даярлау сапасын арттыру, тәрбие және идеологиялық жұмыстар мәселелеріне арналған жұмыс кеңесі өтті. Іс-шараға проректорлар, факультет декандары, кафедра меңгерушілері, жастар саясаты бөлімінің қызметкерлері, университеттің медицина қызметкерлері және барлық топ тәлімгерлері қатысты.

Шет тілі:екі шет тілі мамандығының білім беру бағдарламасы сапасын талқылау бойынша жұмыс берушілермен кезекті іс-шара өткізілді.

20 ақпан күні Ж.А.Тәшенев атындағы университетінде «Оқуға құштар оқырман» үйірмесінің ұйымдастыруымен Шымкент қаласының орталықтандырылған көпшілік кітапханалар жүйесінің №1 кітапхана бөлімшесі кітапханашыларының қатысуымен көрнекті ғалым, ұлы ойшыл  Әбу Насыр Әл-Фарабидің туылғанына 1115 жыл толуына орай «ШЫҒЫСТЫҢ ҒҰЛАМА ҒАЛЫМЫ»  тақырыбында танымдық  кеш  өткізілді.  Мақсаты Ұлы ғұламаның мол мұрасын мұқият зерделеп, оның терең философиялық ой-тұжырымдарын өскелең ұрпақ бойына сіңіруге, ізгілік қағидаттарын дәріптеуге үйрету.