TASHENEV UNIVERSITY ЕУРАЗИЯЛЫҚ QS 2025 ФОРУМЫНДА ҚАЗАҚСТАН АТЫНАН ҚАТЫСУДА
2025-11-26
Медиатека / Жаңалықтар / TASHENEV UNIVERSITY ЕУРАЗИЯЛЫҚ QS 2025 ФОРУМЫНДА ҚАЗАҚСТАН АТЫНАН ҚАТЫСУДА
Tashenev University 25–26 қараша күндері Орталық Азия университетінде (Өзбекстан) өтіп жатқан Eurasian Forum QS 2025 халықаралық білім беру форумына белсенді түрде қатысуда.
Университет атынан халықаралық байланыстар жөніндегі вице-ректор Жанар Рысбекова қатысып, шетелдік серіктестермен келіссөздер жүргізіп, университеттің халықаралық даму стратегияларын таныстырып, жаһандық академиялық кеңістіктегі орнын нығайтуда.
Форумға қатысу университетке жаңа мүмкіндіктер ашады:
— ғылыми ынтымақтастық пен бірлескен зерттеулерді дамыту;
— студенттер, магистранттар және оқытушылар үшін академиялық ұтқырлықты кеңейту;
— QS сарапшыларынан жаһандық бәсекеге қабілеттілікті арттыру жөнінде ұсыныстар алу;
— университеттің халықаралық бастамаларын ілгерілету.
Tashenev University халықаралық білім беру қауымдастығының белсенді мүшесі болуға, тұрақты серіктестік желілерін құруға және Еуразия аймағындағы жоғары білімнің болашағын қалыптастыруға үлес қосуға дайын екенін көрсетуде.
Кеңейтілген дәйексөз
«Eurasian Forum QS — бұл жай ғана кәсіби алаң емес, әлемдік білім беру үрдістері мен стандарттары қалыптасатын стратегиялық платформа. Tashenev University үшін мұндай іс-шараға қатысу — өзіміздің ғылыми, академиялық жетістіктерімізді таныстыруға, халықаралық бағытымызды нығайтуға және жаңа серіктестіктер орнатуға үлкен мүмкіндік.
Біз жетекші шетелдік университеттермен келіссөздер жүргізіп, бірлескен білім беру бағдарламаларын, академиялық ұтқырлық жобаларын және зерттеу бастамаларын талқылаудамыз. Осы кездесулердің нәтижелері университетіміздің халықаралық әлеуетін арттыруға және оның жаһандық білім картасындағы орнын нығайтуға зор үлес қосатынына сенімдімін».
— Жанар Рысбекова, Tashenev University вице-ректоры

