Қауіпсіздік — тек интернетте емес

Бүгін біздің факультетте полиция қызметкерлері мен «Сана Сезім» үкіметтік емес ұйымының өкілдерімен кездесу өтті.

Әңгіме расымен маңызды болды — әрқайсымызға қатысты тақырыптар қозғалды. Майор Ербол Елеупов жолда жүру ережелері, жаяу жүргіншілер өткеліндегі тәртіп, рұқсат етілмеген жерде шылым шегу жауапкершілігі және ұсақ-түйек көрінетін, бірақ көбінесе мәселелерге әкеліп соғатын басқа да жағдайлар туралы айтты.

Аға лейтенант Назерке Төлеген тұрмыстық зорлық-зомбылық тақырыбын көтерді — жабық есіктердің артында қорқынышты жағдайлар болып жатқанда, адамдар "солай болуы керек" немесе "ұят" деп үнсіз қалатыны туралы ашық әңгіме болды. Өте шынайы және маңызды сөз болды.

«Сана Сезім» ұйымының әлеуметтік қызметкері Нуртаныш Таңатар адам саудасы, қазіргі заманғы құлдық түрлері және өз құқықтарын білмеудің адамды қалай осал ететіні туралы айтты.

Барлық спикерлер өз тәжірибелерінен алынған нақты оқиғалармен бөлісті — адамдардың қарапайым сенгіштік пен сауатсыздықтың кесірінен қиын жағдайға тап болатынын мысалмен көрсетті.

Соңғы кезде біз қаржылық сауаттылық пен киберқауіпсіздік туралы жиі айтамыз.
Бірақ күнделікті өмірде, тұрмыста, көшеде өз қауіпсіздігімізді қалай қорғау керектігі туралы сирек ойланамыз.

Ал жеке қауіпсіздік дәл осы жерден басталады.

Спикерлерге ашықтықтары мен күрделі нәрселерді қарапайым тілмен жеткізгендері үшін үлкен алғыс!

Кездесу әсерлі, пайдалы және мәнді өтті.