Қазан айының 24-жұлдызында "Сырдария" университетінің виртуалды кітапханасында "Білім беру технологиялары" кафедрасының аға оқытушысы, педагогика ғылымдарының магистрі Файзиев Нұржанның ұйымдастыруымен "Болашақ педагогтардың жаңартылған білім беру мазмұнына креативті көзқарасы" тақырыбында дөңгелек үстел өтті.

Әрбір Қазақстан азаматы Жолдаудың мәнісін, Отанымызды өркендету жолында олардың маңызды екенін түсінуі керек. Осы орайда, Жетісай қаласында орналасқан "Сырдария" универсиететі жоғарғы оқу орындары арасында алғашқылардың бірі болып "Жолдау – 2019 – қоғамдық жаңғыру мен өркендеудің жаңа кезеңі" атты халықаралық ғылыми – тәжірибелік конференция өткізді. Ондағы мақсат - ғалымдар мен жастар арасында сындарлы пікір алаңын ұйымдастырып, ашық диалогтар жасау болды. .

2019 жылдың 18 қазанында Оңтүстік өңірінің білім ордасы, отау тіккеніне 20 жылдан асқан "Сырдария" университеті ЖОО арасында алғашқылардың бірі болып ҚР Президенті "Сындарлы қоғамдық диалог – Қазақстанның тұрақтылығы мен өркендеуінің негізі" атты жолдауын халыққа жеткізу мақсатында "Жолдау 2019 – қоғамдық жаңғыру мен өркендеудің жаңа кезеңі" атты халықаралық ғылыми-тәжірибелік конференция өткізді.

Негізгі мақсаты – әрбір қазақстан азаматына жолдаудың мәнісін жете түсіндіріп, отанымызды өркендету жолындағы алар маңызына зер салу.

Қазіргі таңда барлық әлемде білім алушыларды педагогикалық қолдау мен бейімдеу олардың білім алу қажеттіліктері мен сұраныстары, жеке ерекшеліктеріне ортаның, отбасының белсенді қатысуымен білім беру үрдісіне толық қосуды қарастыратын "барлығы үшін бір білім беру жүйесі" немесе инклюзивті білім беру мәселесі қолға алынуда. Инклюзивті білім беру - ерекше білім беру қажеттілігі бар тұлғаларды оқытып-үйретудің бір формасы. Ал оның басты мақсаты: адамның жыныстық ерекшелігіне, діни нанымына, шығу тегіне қарамастан тең құқылы жеке тұлға ретінде білім беру жүйесі болып табылады.

Алматы қаласында орналасқан Білім беру және ақпараттық инновациялық технологиялар ғылыми-зерттеу орталығының ұйымдастыруымен 2019 жылыдың 16 – 28 қыркүйек және 30 қыркүйек – 12 қазан күндері аралығында "Инклюзивті білім берудегі жаңа оқыту технологиялары" тақырыбында "Сырдария" университетінің 60 профессор-оқытушысы біліктілігін арттырды.

Ерекше білім беру қажеттіліктері бар адамдар үшін қол жетімділік деңгейіндегі іс-шаралар жоспары.

"Сырдария" университетінің оқытушылары Қырғыз Республикасы Бішкек қаласында орналасқан И.Арабаев атындағы Қырғыз мемлекеттік университетінде 16 қыркүйек – 04 қазан күндері аралығында біліктіліктерін жоғарылатып келді.

Қазан айының 10-жұлдызында "Сырдария" университетінің Студенттер үйінде "NIGHT PARTY" атты көңілді кеш өтті. Кештің мақсаты – студенттерді тапқырлыққа, белсенділікке, жан-жақтылыққа тәрбиелеу, өнерге деген қызығушылықтарын ояту. Аталған шараны Students Union орталығы ұйымдастырды.

Концерт барысында "Тәтті ару", "Қалайда", "Түнгі лирика", "Менімен биле", "Жүрегім дүрсілде" әндері шырқалып, университет студенттерінен құралған Оргинал және Тристар триосы мен "Серілер" би тобы өнер көрсетті.

"Сырдария" университетінде Ш.Есенов атындағы Каспий мемлекеттік технологиялар және инжиниринг университетінің құрылымындағы Үздіксіз білім беру институтының ұйымдастыруымен "Инклюзивті білім беруді ұйымдастыру (даярлау бағыты бойынша)" тақырыбында 22 профессор-оқытушылардың қатысуымен біліктілікті арттыру курсы өткізіліп жатыр.

Үздіксіз білім беру институтының негізгі қызметі мамандардың білімін көтеруді ұйымдастыру, өткізу және кәсіби даярлау, қайта даярлау мен кәсіби дайындық деңгейін бағалау болып табылады.

Қазан айының 3-жұлдызында "Сырдария" университетінде "Ұстаз –ұлы есім" атты мерекелік шара өтті. Шараға "Сырдария" университетінің негізін салушы, п.ғ.д., пофессор, ҚР ҰҒА корреспондент мүшесі, Түркістан облысының мәслихаты депутаты Оңалбай Аяшев, Жетісай қаласының әкімі Тұрышбек Елшібаев, "Нұр Отан" партиясы Жетісай аудандық филиалы төрағасының бірінші орынбасары Әділхан Асауов, "Жеті сыр" газетінің бас редакторы Жаппар Ғаппар, "Жаңа Жетісай" газетінің бас редакторы Алтынбек Тастанбеков, университеттің профессор-оқытушылары мен студен-жастары қатысты.

"Сырдария" университетінің Жастар бөлімінің басшысы Бектеміс Мейірхан студент-жастармен Қарттар күніне орайластырып, қайырымдылық шарасын ұйымдастырды.

Жетісай ауданындағы жалғыз басты қарияларымыздың есігін қаққан бір топ студенттер азық-түлігімен қоса, қарияларға өз ыстық лебіздерін білдіріп, тамаша әндерін аямады.

Студенттер жалғыз басты қария ІІ-топ мүгедегі Бейбасар Бұрқанов пен жалғыз басты қарт ананың шаңырағына барып, бір сәт сұхбат құрып, азық-түлікпен қамтамасыз етті.