ИНКЛЮЗИВТІ БІЛІМ – ӘЛЕУМЕТТІК ЖАУАПКЕРШІЛІКТІҢ БАСТАУЫ

Алматыдағы «Жас Одақ» қоғамдық қоры мүмкіндігі шектеулі балаларды қолдауға арналған әлеуметтік жоба әзірлеп, іске асыруды қолға алды. Бұл бағытта «Business Kids» Халықаралық балалар академиясымен бірлесе әлеуметтік серіктестік құрып, жобада қамтылған басымдықтар бойынша жұмыс жүргізуде. Tashenev University халықаралық академиямен бірлесіп жұмыс істеуді бастап кетті. 
Әлеуметтік жоба шеңберінде «Business Kids» Халықаралық балалар академиясы Қарағанды облысындағы балалар үйінің тәрбиеленушілерін оңтүстік өлкемізге алып келіп, Шымкент қаласының білім беру ұйымдарының жұмысымен таныстырды. Сапар аясында академия жетекшілері мен балалар Тәшенев университетіне келіп, оқу ордамыздың тыныс-тіршілігімен, білім беру процессімен және оқу базасымен танысты. Делегацияны ректордың ғылыми және зерттеу жөніндегі проректоры Шолпан Арзымбетова қарсы алып, Тәшенев университетінің құрылу тарихы, білім беру бағдарламалары, оқытушы-профессорлар құрамы жөнінде кең мағлұмат берді. 
Меймандар оқу орнымыздың педагогикалық әлеуетін, материалдық-техникалық базасын жоғары бағалап, мұнда инклюзивті білім алуға мүмкіндіктер қарастырылғанын атап өтті.
Атап өтуіміз керек, Тәшенев университетінде жуырда өткен 
“Инклюзивті білім беру: мазмұны және тәжірибесі» атты форумда оңалту орталықтарының, қосалқы білім беру ұйымдарының басшылары бас қосқан.