“ЖАСТАРДЫ ӘЛЕУМЕТТЕНДІРУ МӘСЕЛЕСІ” Форумы

Қазақстан Республикасы Ғылым және жоғары білім министрлігінің ұйымдастыруымен 9-10 ақпанда Қазақстандағы ЖОО проректорларының қатысуымен “ЖАСТАРДЫ ӘЛЕУМЕТТЕНДІРУ МӘСЕЛЕСІ” бойынша Форум өтуде. Форумға Tashenev University Әлеуметтік және тәрбие ісі жөніндегі проректоры Ғалымжан Битұрсын да қатысуда. 
Форумда алғашқы сөзді алған ҚР Ғылым және жоғары білім министрі Саясат Нұрбек жаңа Қазақстанның жарқын болашағын қалыптастыратын жастарды әлеуметтік тұрғыда қолдаудың 2023-2030 жылдарға арналған жеті жылдық жоспарын таныстырды. 
• Форумның мақсаты - жастардың бойындағы табиғи таланттары мен адами болмысындағы қарым-қабілеттерін анықтап, оларды сыртқа шығару арқылы қоғамға қызмет ететін тұлғаларды қалыптастыру.
• Форумның өзектілігі - жоғары оқу орындарындағы жастарға терең біліммен қатар тегеурінді тәлім-тәрбе беріп, жаһандану дәуірінде ел тізгінін қолына алатын, әлемдік аренада өзінің көрегендігімен көштің алдыңғы сапында бой көрсете алатын білікті де батыл буынды қалыптастыру.
Айта кетейік, Университет қабьырғасында ұйымдастырылып отырған “Тәшенев талантты жастары” атты конкурстың мақсаты осы форумның мүддесімен орайласады.