АШЫҚ САБАҚ

т.ғ.м., аға оқытушы Шеримбаева Ж.Д. «Тарихты оқыту әдістемесі» пәнінен «Тарихты оқытуда көркем әдебиетті пайдалану» тақырыбында ашық сабақ өткізді.

Ашық сабақтың мақсаты – болашақ тарих пәні мұғалімдеріне көркем әдеби шығармаларды тарихи білім беруде тиімді қолданудың әдіс-тәсілдерін көрсету, оқушылардың тарихи ойлауын, сыни талдау дағдыларын және рухани-адамгершілік құндылықтарын дамыту жолдарын айқындау болды.

Сабақ барысында көркем мәтіндерді тарихи дерек көзі ретінде талдау, тарихи оқиғаларды әдеби шығармалар арқылы интерпретациялау, кейіпкерлер бейнесі арқылы дәуір шындығын ашу әдістері қарастырылды. Студенттер топтық жұмыс, мәтіндік талдау, пікірталас және рефлексия кезеңдеріне белсенді қатысып, өз ойларын дәлелді түрде жеткізе білді.

Оқытушы сабақта заманауи педагогикалық технологиялар мен интерактивті әдістерді тиімді қолданып, білім алушылардың пәнге деген қызығушылығын арттыра алды. Ашық сабақ жоғары әдістемелік деңгейде ұйымдастырылып, қатысушылар тарапынан оң бағасын алды.

Аталған іс-шара болашақ мұғалімдердің кәсіби құзыреттілігін арттыруға және тарихты оқытуда пәнаралық байланысты нығайтуға бағытталған маңызды тәжірибелік алаң болды.