🌱 TASHENEV UNIVERSITY: «ТАЗА ҚАЗАҚСТАН» БАСТАМАСЫН ҚОЛДАУ ЖӘНЕ ТҰРАҚТЫ ДАМУ ЖОЛЫНДА

Ж. Ташенев атындағы университет тұрақты даму қағидаттарын жүйелі түрде енгізіп, экологиялық жауапкершілік пен әлеуметтік маңыздылық бағытындағы жұмыстарын жалғастыруда.

UI GreenMetric – жаһандық тұрақтылық рейтингі

2025 жылы Ташенев университеті UI GreenMetric World University Rankings халықаралық тұрақты даму рейтингіне енді.

Аталған рейтинг университеттердің:

• кампус инфрақұрылымын,

• энергия және климат саясатын,

• қалдықтарды басқару жүйесін,

• су ресурстарын үнемдеуін,

• көлік саясатын,

• білім беру мен ғылыми зерттеулердегі тұрақты даму үлесін бағалайды.

Бұл – әлемдегі экологиялық тұрақтылыққа бағытталған алғашқы әрі беделді рейтингтердің бірі. Университеттің аталмыш рейтингке қатысуы – тұрақты даму бағытындағы нақты жұмыстың нәтижесі.

«Таза Қазақстан» аясындағы нақты қадам

Ұлттық «Таза Қазақстан» бастамасын қолдау мақсатында университет студенттері маңызды экологиялық жобаны жүзеге асырды.

Университет аумағына 50 арнайы пластик қалдықтарын жинау жәшігі орнатылды.

Жәшіктерді студенттердің өздері орналастырып, экологиялық мәдениетті насихаттау жұмысын жүргізді.

Жиналған қалдықтарды сұрыптап, қайта өңдеуге жіберу жүйесі ұйымдастырылды.

Бұл жоба – тек кампустың тазалығын сақтау емес, сонымен қатар жастар арасында экологиялық сана мен жауапкершілікті қалыптастыруға бағытталған маңызды қадам.

Тұрақты даму – университет миссиясының бір бөлігі

Бүгінде университеттер тек білім беретін мекеме ғана емес, қоғамдағы өзгерістердің қозғаушы күші.

Ташенев университеті «Таза Қазақстан» бастамасын қолдай отырып, тұрақты даму құндылықтарын білім беру жүйесіне енгізіп, жас ұрпаққа үлгі болуды мақсат етеді.

Таза кампус – таза ой – таза болашақ!