Интерактивті мультимедия тақтаны оқыту процесінде пайдалану

2009 ж. мамыр айының 11 мен 23 жұлдызы аралығында “Сырдария” университетінің мультимедиалық оқу орталығында бітіруші студенттер үшін “Интерактивті мультимедиялық тақтаны оқыту процесінде пайдалану” біліктілікті көтеру курстары ұйымдастырылды.

Бұл оқу курсы университет түлектерін болашақ педагогикалық қызметке жан-жақты сапалы дайындау мақсатында өткізілуде.

Осы курста қажетті білімдерді меңгеріп, сертификат алған жас мамандар, “Сырдария” университетінің түлектері заманауи компьютерлік технологияларды емін-еркін пайдаланып, білім беру мекемелерінде белсенді түрде педагогикалық қызмет атқара алады.

Оқу курсының сабақтары 30 сағаттан тұрады: олардың 6 сағаты лекция 16 сағаты лабараториялық және 8 сағаты студенттің өзіндік жұмыс сағаты түрінде өтіледі.

Сабақты өту мақсатында курс төтеншелері С.Шпенглер мен С. Алтынбеков ғылыми кеңесте қаралған және оқу істері жөніндегі проректор бекіткен оқу бағдарламасын күнтізбектік тақырыптық жоспар және оқу әдістемелік құрал жасап, солардың негізінде сабақтар өтілуде.

Барлық сабақтар екі арнайы компьтерлік сыныптарда: заманауи компьтерлік техникамен, оның ішінде интерактивті тақта мен жоғары жылдамдықтағы интернет желісімен жабдықталған виртуальды кітапхана мен қашықтан оқыту кабинетінде өткізілді.

Курсты тыңдаушылар контингенті 190 студент болуына байланысты сабақтарды екі лекке бөліп оқыту жоспарланды.

Сабақтардың 1-ші легі 11 мен 16 мамыр аралығында өтіп, оған Био-15, Био-25, Био-35, Хим-15, Тар-15, Гео-15 топтарынан 120 студент қатысты.

Сабақтардың 2-ші легі 18 мен 23 мамыр аралығында өтіп, оған Қт-15, Шт-15, ПБӘ-15, ПжП-15, ПжП-75 топтарынан 70 студент қатысты.

Сонымен қатар, курсты өту барысында университетіміздің 4 оқытушысы өздерінің ашық сабақтарын өткізді. Олар:
1. Өтегенова О.К. тақырыпта “Батырлық жырлардың дүниетанымдық және тәрбиелік мәні”.
2. Абдразакова Н.П. тақырыпта “Mаркетингтегі коммуникация жүйесі”.
3. Әбілқайыров С. тақырыпта “Бұлшық еттер туралы ілім. Тұлға құрсақ және арқа бұлшық еттері”.
4. Ж..А.Қошқаров тақырыпта “Етістіктердің сөзжасамы сабақ түрі”

Оқытушылар өз сабақтарында интерактивті тақтаны пайдалана отырып және заманауи құралдарды мяии. Практикалық сабақтар барысында студенттер мультимедиалық презентация құруға арналған Power Point бағдарламасын меңгеріп шықты. Әр бір студент бірнеше күн барысында жеке баяндамасын дайындап және интерактивті тақтаны пайдалана отырып курс соңында баяндамасын баяндады.

Қашықтан оқыту орталығында 4 жыл бойы дайындалған 140 элетронды оқулықты студенттерге көмекші құрал ретінде ұсынылды. Осы электронды оқулықтардан студенттер баяндама жасау мақсатында қажетті лекция мәтіндерін, суреттер галереясын, көрнекіліктер мен аудио және видео файлдарды пайдаланды. Бұдан басқа, оқу курсы барысында студенттер практика жүзінде кез келген қызықтырған ақпаратты табуға мүмкіндік беретін Интернет ресурстарын белсенді түрде қолдана білді.