Студенттердің жетістіктері

Университетімізде «Бастауыш білім және өнер» факультетінде студенттердің қызығушылығын жан-жақты қолдауды ұйымдастыру қарқынды жалғасуда.
Оған дәлел «Табысты студент», «ART-curse» көркем сурет үйірмесі, «Сәнді киім» кесу-тігуді оқыту үйірмесі, «Креативті дизайн», «Домбыра және Хор» үйірмелері. 
Үйірме жұмыстарын жүргізу- студент жастарды қоғамдық еңбекке тарту, олардың кәсіби және шығармашылық дағдыларын қалыптастыру арқылы факультеттің жастар тәрбиесіндегі басым сипаттағы бағыты болып табылады.
Еңбегіміздің нәтижесі ретінде бүгінгі қуанышты хабармен бөліскіміз келіп отыр. «Көркем еңбек және сызу мұғалімдерін даярлау» білім беру бағдарламасы бойынша “Сәнді киім” кесу-тігуді оқыту үйірмесінің белсенді мүшесі, ПиК-21-16к2 тобының студенті Әбдікәрім Айшабиби жетекшісі У.Ж.Конакбаевамен бірлесе отырып «Көркем еңбек сабақтарында құрақ құрау технологиясын оқыту әдістемесі» тақырыбында жасалған виртуалды-практикалык жұмысымызға авторлық құқық берілді. 
Сонымен бірге Айшабиби педагогикалық практика барысында өз виртуалды жұмысын оқушыларға таныстырып, сабақ кезінде тиімді қолданып, оқушылар ішінде берілген тапсырмаларды аса қызығушылығын оятты.
Алдағы уақытта жобаны оқу үдерісіне ендіру бойынша жұмыстар атқарылмақ.