Қабылдау комиссиясы өз жұмысын бастады

Қаламыздың қақ ортасында орналасқан Жұмабек Тәшенев университетінің қабылдау комиссиясы өз жұмысын бастады.

Қабылдау төмендегі жоспар бойынша кезеңімен жүзеге асырылмақ.

• 20.06.-07.07.2024 ж. және 16.07-10.08.2024 ж. университеттің шығармашылық емтихандарына өтініштер қабылдау
• 08.07.-15.07.2024 ж. және 10-15.08.2024 ж. университетте шығармашылық емтихандар өткізіледі
• 13-20.07.2024ж. ГРАНТ тағайындау конкурсына қатысуға өтінімдерді қабылдау
• 10-25.08.2024ж. университетке түсу үшін құжаттарды қабылдау
• 20.06.-24.08.2024ж. педагогикалық мамандықтарға арнайы емтихан тапсыру
• 20.06.-24.08.2024ж. ақылы оқуға құжаттарды қабылдау.

ОҚУҒА ҚАБЫЛДАУ ҮШІН ҚАЖЕТТІ ҚҰЖАТТАР ТІЗІМІ:
- жалпы орта, техникалық және кәсіптік, орта білімнен кейінгі немесе жоғары білім туралы құжат (шетел азаматтары үшін, білімі туралы құжаттың көшірмесі, шетел азаматтары үшін қазақ немесе орыс тілдеріне нотариалды куәландырылған аудармасы) (түпнұсқа және көшірме);
- жеке басын куәландыратын құжаттың көшірмесі;
- 3х4 см 6 фотосурет;
- 075-у нысанындағы медициналық анықтама, 063 нысандағы привывка паспорты, флюорографиялық сурет;
- ҰБТ сертификаты;
- өтініштен үзінді (арнайы және (немесе) шығармашылық дайындықты талап ететін, оның ішінде «Педагогика ғылымдары» білім беру бағыттары бойынша жоғары оқу орындарының білім беру бағдарламаларына түсушілер үшін;
- білім беру грантын тағайындау туралы куәлік (бар болса және көшірмесі);
- І және ІІ топтағы мүгедектер, бала кезінен мүгедектер, мүгедек балалар, жеңілдіктер мен кепілдіктер бойынша Ұлы Отан соғысының қатысушылары мен мүгедектеріне теңестірілген тұлғалар, Қазақстан Республикасының азаматтары болып табылмайтын ұлты қазақ тұлғалар, жетім балалар мен ата-анасының қамқорлығынсыз қалған балалар, сондай-ақ кәмелетке толғанға дейін ата-анасынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары басым құқық пен квота беруді растайтын құжаттарды қосымша ұсынады.